O 28 de Xaneiro de 2010  celebrouse nas Oficinas de Conxo Reunión entre o Comité de Empresa e a Dirección do 061. Este é o resumo que vos ofrecemos da reunión.

A  LEI 7/2007, do 12 de abril, do Estatuto básico do empregado público. «BOE» 89, do 13-4-2007 (EBEP) recolle no seu artigo 48.2 que: "Ademais dos días de libre disposición establecidos por cada Administración pública, os funcionarios terán dereito ao desfrute de dous días adicionais ao cumprir o sexto trienio, que se incrementará nun día adicional por cada trienio cumprido a partir do oitavo."

O que nos da a seguinte táboa:

O dereito ao aproveitamento desdes días adicionais de libre disposición nace ao día seguinte do cumprimento trienio.

Tendo en conta que o persoal do Servizo Galego de Saude ten establecido un rexime de xornada anual, e consonte ao establecido para os días adicionais de vacacións na circular 14/2004 de 7 de Maio  da División de Recursos Humanos sobre a ampliación de días de vacacións por antigüedade, os incrementos por riba dos 9 días de libre disposición suporá a correlativa disminución da xornada efectiva dos trablladores afectados. Esta reducción computarase a razón de 7 horas anuais por cada día adicional.

En canto aos día hábiles adicionais de vacacións, danse por antigüidade a razón de:

A valoración da Folga do 16 de Decembro: "Os acordos hai que respectalos: Temos Dignidade" no 061 non pode ser positiva debido ao baixo indice de particiapación. Ben é certo que os servizos mínimos decretados unilateralmente (non houbo acordo co Comité de Folga) pola administración, do 100% do persoal sanitario e por riba do 25% no persoal non sanitario, fixeron bastante dificil aderirse a esta protesta. 

Ainda así no conxunto da Sanidade Galega temos que facer unha valoración positiva, reproduzco o comunicado de valoración da Secretaria Xeral da Cig-Saúde:

OS ACORDOS HAI QUE RESPECTALOS

TEMOS DIGNIDADE!

16 DE DECEMBRO

FOLGA NA SANIDADE

POLO RESPECTO DOS ACORDOS ASINADOS

Desde o 14 de outubro a CIG-SAÚDE ven demandando do SERGAS o cumprimento íntegro dos acordos asinados. A Admón non tiña ningunha intención, dende o principio de chegar a acordos coas organizacións sindicais, só pretendía someternos á súa chantaxe.

POR COHERENCIA

A CIG-SAÚDE fíxolle chegar á Admón unha proposta de acta que garantizaba o cumprimento dos acordos, o Sergas sen embargo pretendía que asinásemos unha acta de compromiso (matrimonial, civil, relixioso..), que nos convertéramos en NOTARIAS/OS da Admón. O que pretende a Admón que fagamos as organizacións sindicais é:

- Que enganásemos ás/aos traballadoras/es, convencéndoos de que teñen que renunciar ás súas retribucións.

- Que lle garantíramos que esta Admón vai cumprir o seu calendario. Se agora xa  non cumpre o  publicado no DOG.!

- Que as organizacións sindicais sexamos dóciles, converténdonos na voz da Admón  e non nos representantes das/os traballadoras/es.

POR DIGNIDADE

Porque non podemos consentir que a Admón sanitaria difunda perante  a opinión pública unhas  mensaxes co único obxectivo de  desprestixiar as/os traballadores como preludio das medidas que van tomar na nosa contra.

Non sexas cómplice na campaña de despretixio que pretenden facer da sanidade pública e das/os seus traballadoras/es.

Reunion do comité de empresa do  3 de decembro de 2009

Dado o inmobilismo do equipo directivo dende a ultima reunión e dada a gran cantidade de asuntos pendentes, tivemos unha reunión dos membros do Comité de Empresa o dia 3, desta reunión saíu solicitar unha reunión urxente o dia o dia 10 deste mesmo mes coa Dirección cos seguintes puntos a tratar:

1.       Solicitude das quendas de traballo de todo o persoal sanitario para o ano 2009 (asistencial e coordinación)

2.       Reconto horario dos anos 2008 (pendente) e 2009, do mesmo colectivo

3.       Regularización das localizacións e xornada complementaria da central de coordinación.

4.       Comisións e obxetivos de medicos coordinadores e DUEs de consulta, pendentes de presentar aos representantes dos traballadores.

5.       Turnos de DUEs de coordinación

6.       Prazas pendentes de aprobar do 902 e situación contratos temporais.

7.       Reparto de vacacións do ano 2010 da Central

8.       Calendario de negociación do plan funcional

Temos ademais outros moitos temas que nos preocupan, como os temas de saúde laboral que se incumpren reiteradamente, os nomeamentos de destino que seguen sen entregárnolos, a convocatoria  polo decreto 206 dos postos de responsabilidade, as listas de contratación que no caso de enfermería chegase a chamar por “orde alfabético” a persoas que non se presentaron a OPE, re negociación do concurso de mobilidade, prazas pendentes de convocar (tanto en area asistencial como en coordinación), etc.,etc., pero parecíannos demasiados temas para unha soa reunión.

Concentración

Mércores, 9 de Decembro de 2009

17:30 Horas

Diante do Parlamento de Galiza

Concéntrate encontra da suspensión dos acordos pactados, firmados e publicados no DOG. Concentrate diante do parlamento onde ao longo do debate e votación da lei de presupostos de 2010 o PPdG pretende anular unilateralmete os acordos acadados na mesa sectorial ao tempo que apoiados polo PSdG pensan tumbar a moción popular  para a supresión do plus dos ex-altos cargos. Dín non ter 30 millóns para o cumprimento do acordo retibutivo no 2010 pero si teñen o que faga falta para o plus de altos cargos. Por certo, porque non se sabe canto lle supón as arcas públicas ese plus, non debería ser algo público?

CONCENTRACIÓNS

Xove, 3 de Decembro 2009

11:00 Horas

Diante das Delegacións Provinciais

En protesta polos problemas de contratación que se perpetuan sen que por parte do SERGAS se lle dé unha solución: publicación das listas pendentes, publicación dos decetos de creación de novas catergorias, etc..

Xa que polos conductos formais e regulamentarios non estamos a obter respostas ás nosas inquedanzas en temas de saúde laboral, imos comezar dende aquí unha campaña de denuncia pública sobre este tema.

No mes de Agosto realizáronse obras de reforma na Central de Coordinación do 061 para ampliar a capacidade da mesma e dar resposta  o posible aumento da demanda pola Gripe A. Os delegados de prevención solicitaron que se realizara unha avaliación de riscos despois das reformas. A avaliación foi programada un día no que dos 3 delegados de prevención (que teñen dereito a estar presente durante a mesma) un estaba de vacacións, outro de baixa e outro tiña pedido ese día. Non foi posible aplazar a avaliación ainda que así  se solicitou.

Pois, a día de hoxe, nin os delegados de prevención nin o comité de seguridade e saúde laboral teñen copia da avaliación. As preguntas son obvias:

Chegou a facerse a avaliación?

Si se fixo, que pode conter a avaliación para que non se entrege unha copia os delegados de prevención?