|
DECRETO 226/1996, DO 25 DE ABRIL, POLO QUE SE REGULA O
RÉXIME RETRIBUTIVO DO PERSOAL DAS UNIDADES E SERVICIOS DE ATENCIÓN PRIMARIA
(D.O.G. núm.
114, do 11 de xuño de 1996)
SUMARIO
1.
Ámbito
de aplicación.
2.
Réxime
retributivo.
3.
Retribucións básicas.
4.
Complemento de destino.
5.
Complemento específico.
6.
Complemento de PRD.
7.
Complemento de productividade.
8. Complemento de atención continuada.
9. Complemento persoal.
DISPOSICIÓN DERROGATORIA
DISPOSICIÓN TRANSITORIA
DISPOSICIÓN ADICIONAL
DISPOSICIÓNS DERRADEIRAS
• artigo 7
do Decreto 200/1993, do 29 de xullo, de ordenación da atención primaria de
Galicia, dispón que o sistema retributivo dos postos de traballo da atención
primaria estará en conformidade co establecido no Real decreto-lei 3/1987 e se
aprobará mediante acordo do Consello da Xunta de Galicia.
• precepto explicita, pois, a necesaria adecuación do
sistema retributivo que se determine para o persoal afectado, á norma básica de
carácter retributivo aplicable a todo o sistema nacional de saúde.
Por
adecuación ó sistema básico do DecretoLei 3/1987, debe entenderse a súa
harmonización coa estructura retributiva que este establece e as limitacións
que dispón para determinados conceptos retributivos. Pero tal harmonización
non impide que se poida caracterizar de xeito idóneo concretos conceptos
retributivos, a través da súa precisa pormenorización ou desenvolvemento.
• nesta procura resulta razoable, dentro do marco
aludido, establecer un sistema retributivo que mesture características
diversas, desde as puramente salariais en conceptos como o soldo, complemento de
destino e complemento especifico, as por capitación en función do número e
características da poboación asistida e o medio onde o profesional exerza o seu
labor, con outras, finalmente, vinculadas á calidade do acto sanitario
obxectivamente mensurable ou a outros parámetros que estableza o Servicio Galego
de Saúde.
Igualmente,
como resultado da integración no novo sistema, que contempla a citada norma de
ordenación na súa disposición transitoria primeira, apartado dous, como aberta,
continua e voluntaria, a mesma disposición transitoria, no seu apartado tres,
prevé, para os profesionais fixos que se integren, a asignación dun complemento
persoal que compense as
diferencias existentes entre as retribucións que acrediten na súa praza e as
correspondentes ó novo sistema.
Con
respecto ás regras xerais sobre absorción do mencionado complemento persoal que
refire o decreto, resulta necesario proceder á configuración de tal complemento
co desenvolvemento das súas características, en atención ós seus alicerces. E
deles resulta primordial o relativo a que a integración da praza, en tódolos
casos, deriva dun acto voluntario do profesional, libremente consentido por el e
nunca dun cambio normativo imposto pola Administración.
E deste
esencial predicado do acto de integración colíxense as notas definidoras do
complemento persoal: a súa inherencia á praza integrada e á necesaria atención
no seu cálculo ás retribucións, en cómputo anual, que correspondan ó
profesional integrado e ás relativas ó novo sistema, como imprescindible
corolario dun posicionamento de equidade, consistente na comparación de
absolutos retributivos, entre un sistema que voluntariamente se abandona e
outro ó que se accede pola determinación desa mesma vontade.
No que
concirne ós profesionais actualmente adscritos ós equipos de atención primaria,
que non teñen a posibilidade de canaliza-lo acto de integración coas
características indicadas, ó pertencer xa en puridade ó novo sistema, resulta
razoable e equitativo o establecemento tamén para eles do aludido complemento
persoal, de experimentar diferencias retributivas por aplicación das
especificacións do presente sistema.
Na súa virtude e tralo proceso
negociador coas organizacións sindicais presentes na mesa sectorial de persoal
sanitario, por proposta da Consellería de Sanidade e Servicios Sociais e logo
de informe das consellerías da Presidencia e Administración Pública e de
Economía e Facenda, logo de
deliberación do Consello da Xunta de Galicia, na súa reunión do día vintecinco
de abril de mil novecentos noventa e seis,
DISPOÑO:
1.
Ámbito
de aplicación.
indice^
As disposicións contidas no
presente decreto serán de aplicación ó persoal estatutario adscrito ás unidades
e servicios de atención primaria ás que fai referencia o artigo 1 do Decreto
200/ 1993, do 29 de xullo, de ordenación da atención primaria na Comunidade
Autónoma de Galicia, así como ó persoal da clase de funcionarios sanitarios
locais e profesionais de cota e zona que se integre neles de conformidade co
previsto nas disposicións transitorias primeira e segunda do devandito decreto
(1).
2.
Réxime
retributivo.
indice^
O persoal incluído no ámbito de
aplicación da presente norma será remunerado de conformidade co réxime
retributivo contido no Real decreto-lei 3/1987, do 11 de setembro, e percibirá
os conceptos retributivos correspondentes coas especificacións e condicións que
se recollen no presente decreto.
3.
Retribucións básicas.
indice^
As retribucións básicas do
persoal incluído no ámbito de aplicación da presente disposición son as
previstas no apartado dous do artigo 2 do Real decreto-lei 3/1987 (2), e
percibiranse nas contías vixentes nesta Comunidade Autónoma segundo o
correspondente grupo de clasificación.
4.
Complemento de destino.
indice^
O persoal
incluído no ámbito de aplicación da presente disposición percibirá o
complemento de destino ó que fai referencia o apartado tres a) do artigo 2 do
Real decreto-lei 3/1987, de conformidade coa asignación de nivel e contía que
corresponda á súa categoría ou posto de traballo consonte a normativa vixente
de xeral aplicación ó persoal estatutario dependente das institucións
sanitarias de atención primaria do Servicio Galego de Saúde.
5.
Complemento específico.
indice^
1. O persoal incluído no ámbito
de aplicación da presente disposición percibirá o complemento específico
asignado ó posto de traballo que desempeñe, de conformidade co disposto no
apartado tres b) do artigo 2 do Real decreto-lei 3/1987.
2. O antedito concepto retributivo percibirase nas contías actualmente vixentes
para os postos de traballo do persoal estatutario de atención primaria do
Sergas, e con suxeición á normativa de pertinente aplicación nesta materia no
ámbito da Comunidade Autónoma de Galicia, sinaladamente o Decreto 11/1995, do
20 de xaneiro (3).
6.
Complemento de PRD.
indice^
O citado complemento
retributivo percibirase contías actualmente vixentes, polas categorías de
persoal non sanitario, técnicos especialistas e a de auxiliares de enfermería,
destinado nas unidades ou servicios de atención primaria. Así mesmo será
percibido, na actual contía, pola categoría de técnicos de saúde con destino
neste nivel de atención.
Excepciónase de aplicación da medida anterior a categoría profesional de
asistentes sociais, as retribucións dos cales aparecen afectadas polas
especificacións contempladas no presente decreto.
7.
Complemento de productividade.
indice^
1. O
persoal incluído no ámbito de aplicación da presente disposición poderá
percibi-lo complemento de productividade previsto no apartado tres c) do Real
decreto-lei 3/1987 (4).
2. A asignación de
remuneracións por este concepto retributivo realizarase conforme os factores e
criterios que se indican a seguir:
a) Factor fixo: dentro deste
apartado, o concepto retributivo percibirao o persoal integrado nas unidades de
atención primaria que se indica nos anexos, en función das modalidades que, a
continuación, se sinalan:
Modalidade A.- En función do
número de titulares á asistencia sanitaria adscritos ó profesional ou á
unidade, segundo o caso.
Modalidade B.- En función do
número de titulares á asistencia sanitaria adscritos ó profesional ou á
unidade, segundo o caso, que teñan a condición de pensionistas.
Modalidade C.- Pola prestación
de asistencia pediátrica a cargo do facultativo xeneralista.
Modalidade D.- Polo desempeño
de postos de traballo nos que, pola súas características demográficas, se
considere que concorra un grao de despoboación que impida ós profesionais a
adscrición dun número mínimo predeterminado de titulares do dereito á
asistencia sanitaria.
De concorrer tal circunstancia,
aseguraráselle ó médico xeral afectado os emolumentos por capitación
correspondentes a un número de 1.050 cartillas.
Modalidade E.- En función do
grao de dispersión xeográfica da poboación asistida, de acordo cos criterios,
porcentaxes e/ou factores de cálculo que se especifican nos anexos respecto das
categorías afectadas.
Modalidade
F.- Polo desempeño de postos de traballo situados en localidades consideradas
como especialmente illadas, tendo en conta a súa distancia respecto das grandes
cidades ou núcleos de poboación importantes e dos centros hospitalarios
correspondentes, sempre que o traballador acredite residir na devandita
localidade.
Considéranse, para estes efectos, como localidades incursas na devandita
condición as que se determinen nas disposicións que desenvolvan o presente
decreto.
Modalidade G.- Polo desempeño de postos de traballo en condicións de soidade,
que se entenderá como aquela circunstancia en que se dea a inexistencia doutro
médico xeral ou profesional ATS/DUE que preste servicios no mesmo concello.
Modalidade H.- Por ostenta-las xefaturas de unidade ou servicio ou outros cargos
de responsabilidade no ámbito da atención primaria.
Modalidade I.- Polo desempeño de prazas da especialidade de pediatría ou da
categoría de odontoloxía.
Nos citados anexos recóllense, respecto ó persoal afectado, os importes e as
especificacións pertinentes, que concirnen ás devanditas modalidades.
c) Factor variable:
1. A asignación individual de contías que, por este concepto, poidan
corresponder a cada traballador realizarase en función do cumprimento dos
obxectivos prefixados polo Servicio Galego de Saúde.
2. O persoal ó que se fai referencia nos anexos do decreto (5), que desempeña
postos de traballo nas unidades de atención primaria, será remunerado por este
concepto tendo en conta, tanto os niveis de calidade acadados e a amplitude da
oferta de servicios, segundo as necesidades de cada unidade de atención
primaria, como calquera outro parámetro que fixe anualmente o Servicio Galego
de Saúde.
A fixación dos criterios, pautas ou ambos para a determinación dos obxectivos
dos que se derive a percepción do citado complemento, será efectuada polo
Servicio Galego de Saúde, logo de negociación coas centrais sindicais e coa
garantía, en todo caso, do preciso e pormenorizado coñecemento de tales
obxectivos polo persoal
afectado.
Establécese, así mesmo, que as cantidades que perciba cada persoa por este
concepto serán de coñecemento público do persoal da Institución Sanitaria onde
preste servicios, así como dos representantes sindicais.
Para os
efectos sinalados neste apartado 2, o Servicio Galego de Saúde adoptará as
medidas oportunas para garanti-la asignación de recursos correspondentes a este
concepto retributivo, de xeito que poida manterse polo menos a contía acadada
no primeiro exercicio de vixencia da presente disposición.
3. As
contías percibidas por complemento de productividade durante un período de tempo
non orixinarán ningún dereito individual respecto a períodos sucesivos.
Terceiro.-
Anualmente as respectivas xerencias de atención primaria poderanse establecer,
logo de acordo cos profesionais, prolongacións de xornada fóra do horario
normativamente establecido, nas condicións e contías que, dentro das
dispoñibilidades orzamentarias, acorde o Servicio Galego de Saúde.
8. Complemento de atención continuada.
indice^
A cobertura
da atención urxente extrahospitalaria prevista no Decreto 172/1995, do 18 de
maio, polo que se aproba o Plan de Urxencias Extrahospitalarias da Comunidade
Autónoma de Galicia, remunerarase mediante o complemento de atención
continuada, de conformidade co establecido no apartado tres d) do Real
decretolei 3/1987 (6).
Os
perceptores, módulos e contías correspondentes a este concepto retributivo
serán os establecidos no artigo 10º do citado Decreto 172/ 1995, do 18 de
agosto, e disposicións que o complementen (7).
9. Complemento persoal.
indice^
1. Os
profesionais fixos, con destino definitivo, que pasen a ser retribuídos polo
sistema previsto no presente decreto e que, de acordo co réxime retributivo
anterior, percibisen, en cómputo global anual, unha retribución superior á que
lle correspondería pola aplicación do presente sistema, terán asignado un
complemento persoal consistente na diferencia entre as devanditas retribucións.
2.
Para efectos do cálculo do complemento persoal consideraranse os seguintes
conceptos retributivos do anterior e actual sistema, respectivamente:
a)
Computaranse, como remuneracións do anterior sistema dos funcionarios sanitarios
locais, as retribucións básicas que lles correspondan pola súa condición de
funcionarios, así como os conceptos retributivos derivados da cota de asegurados
que teñan adscrita. Excluiranse do cómputo os conceptos retributivos que teñan a
súa orixe na permanencia dos profesionais, como trienios e premios de
antigüidade, así como as contías que se viñesen percibindo polo desempeño de
prazas acumuladas e, finalmente, o complemento por urxencias e pediatría.
b)
Computaranse, como remuneracións do anterior sistema dos profesionais
estatutarios de cota e zona, os conceptos retributivos que veñan percibindo
polo desempeño da praza para a que ostentan nomeamento. Excluirase do cómputo
os conceptos retributivos que teñan a súa orixe na permanencia dos profesionais,
como trienios e premios de antigüidade, así como as contías que se viñesen
percibindo polo desempeño de prazas acumuladas e, finalmente, o complemento
por urxencias e pediatría.
c)
Computaranse, como remuneracións do anterior sistema dos profesionais xa
remunerados anteriormente polo Real decreto-lei 3/1987, os conceptos
retributivos que viñan percibindo con exclusión dos premios de antigüidade e
trienios e o complemento de atención continuada, modalidade B).
Ademais,
quedarán excluídos dos cómputos mencionados nos apartados a), b) e c)
anteriores aquelas retribucións que teñan o carácter de excepcionais,
transitorias ou revogables.
d)
Computaranse, como emolumentos do novo sistema, a totalidade das retribucións
básicas e complementarias que lle corresponda percibir ó traballador polo
desempeño da praza integrada ás que se fai referencia nos precedentes artigos
3, 4, 5, 6 e 7.
3. O complemento persoal
experimentará as revalorizacións anuais na porcentaxe establecido incluso fóra
da xornada establecida. nas leis de presupostos xerais da Comunidade Autónoma.
4. O citado
complemento persoal será absorbido cando se produza incremento nas
retribucións complementarias do persoal afectado, sempre que o aumento nas
devanditas retribucións non derive dos incrementos retributivos anuais que, con
carácter xeral, establezan as correspondentes leis de presupostos xerais da
Comunidade Autónoma.
5. O
dereito ó percibo do complemento persoal extinguirase no suposto de que o
traballador pase a desempeñar voluntariamente unha praza distinta daquela na
que se integrou.
Manterase a percepción do
citado complemento no caso de desempeño de postos de traballo de xefe de
unidade de atención primaria, xefe de servicio de atención primaria e de
coordinador de enfermería, ou cargos similares de responsabilidade, con
funcións asistenciais, no ámbito da atención primaria.
No caso de que se desempeñen
postos directivos nas entidades dependentes do Servicio Galego de Saúde ou do
resto do sistema nacional de saúde, non se extinguirá o referido complemento.
Neste suposto o aboamento do complemento persoal suspenderase entrementres
continúe o traballador no desempeño do posto directivo e reemprenderase no
momento en que o traballador retorne ó posto de traballo ó que accedeu como
consecuencia da integración, sen que poida mediar desempeño de posto de
traballo ningún de distinto carácter ós sinalados neste parágrafo.
10. A
categoría estatutaria de persoal de “servicios xerais”, integrante das
categorías de persoal non sanitario que presta servicios nas unidades de
atención primaria (8), percibirá os conceptos retributivos que se especifican
nos anexos (9).
DISPOSICIÓN DERROGATORIA
indice^
Quedan
derrogadas cantas normas de igual ou inferior rango se opoñan ó establecido no
presente decreto.
DISPOSICIÓN TRANSITORIA
indice^
Primeira.- Os emolumentos que,
polo concepto retributivo de productividade fixa, se establecen nesta norma,
para as categorías de médico pediatra e odontólogo, teñen a consideración de
provisionais, mentres non se poña en funcionamento no ámbito da Comunidade
Autónoma a tarxeta individual sanitaria (TIS). Nese intre, adaptarase á
consideración e incidencia da TIS as modalidades afectadas do aludido concepto
que correspondan a esas categorías.
A adopción e posta en marcha da
TIS poderá afectar igualmente a determinados emolumentos, por este concepto
retributivo, doutras categorías de persoal. Neste caso procederase ás
adaptacións pertinentes das modalidades que correspondan, a que dea lugar a
consideración e incidencia da indicada TIS.
DISPOSICIÓN ADICIONAL
indice^
As
previsións contidas neste decreto levaranse a cabo de acordo coas dotacións que
anualmente se consignen nas respectivas leis de presupostos xerais da
Comunidade Autónoma de Galicia.
DISPOSICIÓNS DERRADEIRAS
indice^
Primeira.- Autorízase a
Consellería de Sanidade e Servicios Sociais para dicta-las disposicións e
adopta-las medidas necesarias para o desenvolvemento e execución do presente
decreto. O sistema retributivo previsto nel só se fará efectivo coa adopción
das medidas de execución e desenvolvemento que dicte a consellería (10).
Segunda.- Este decreto entrará en vigor o día seguinte ó da súa Publicación no
Diario Oficial de Galicia
(1) O Decreto 200/1993 pódese consultar no § 186.
(2) O apartado 2 do Real
decreto-lei 3/1987, establece que son retribucións básicas:
a) O
soldo, que será igual para todo o persoal de cada un dos grupos de clasificación
a que se refire o artigo 3º.
b) Os
trienios, consistentes nunha cantidade igual para cada un dos grupos de
clasificación, por cada tres anos de servicios.
c) As
pagas extraordinarias, que serán dúas ó ano por un importe mínimo cada unha
delas, dunha mensualidade de soldo e trienios, devengaranse nos meses de xuño e
decembro.
(3) Véxase o decreto 11/1995, do 20 de xaneiro, polo que se regula o réxime de
percepción do complemento específico para o persoal estatutario do Servicio
Galego de Saúde e se establecen os prazos para formular solicitudes e renuncias.
(4) O Real decreto-lei 3/1987 inclúe entre as retribucións
complementarias o complemento de productividade, destinado á remuneración de
especial rendimento, o interés ou a iniciativa do titular do posto, así como a
súa participación en programas ou actuacións concretas. A determinación
individual da súa cuantía efectuarase dentro das dotacións presupostarias
previamente acordadas e de conformidade coa normativa vixente.
(5) Os anexos do presente decreto
pódense consultar na páxina 5.655
e seguintes do D.O.G. nº 114, do 11 de xuño de 1996.
(6) O apartado tres d) do Real
decreto-lei 3/1987, establece que o complemento de atención continuada é o
destinado á remuneración do persoal para atender ós usuarios dos servicios de
saúde de xeito continua
(7) O Decreto 172/1995, do 18
de maio, polo que se aproba o Plan de Urxencias Extrahospitalarias da Comunidade
Autónoma de Galicia delo retributivo das
unidades e servicios de atención
que se precisa a efectividade económica do novo mo-
primaria establecido no presente decreto no § 139.
.
(8) Téñanse en conta o Decreto 160/1996, do
25 de abril, de configuración e introducción no Estatuto de persoal non
sanitario de institucións sanitarias da Seguridade Social da categoría de
persoal de servicios xerais no § 93, e a orde do 8 de novembro de 1996, pola que
se desenvolven determinadas materias da regulamentación da dita categoría no §
140.
(9) Os anexos do presente decreto pódense
consultar na páxina 5.655 e seguintes do D.O.G. nº 114, do 11 de xuño de 1996.
(10) Véxase a Orde do 26 de agosto de 1996, pola que se precisa a efectividade
económica do novo modelo retributivo das unidades e servicios de atención
primaria establecido no presente decreto
indice^
|
