|
CAPÍTULO I
DISPOSICIÓNS XERAIS
Artigo 1 .-
Ámbito de aplicación.
O
presente Convenio por sector de actividade regulamenta as condicións
de traballo do persoal que, con vínculo laboral, indefinido
ou temporal, presta servizos nas fundacións constituídas pola
Comunidade Autónoma de Galicia, ou
sociedades públicas autonómicas, que desenvolvan actividade
sanitaria, tanto hospitalaria como extrahospitalaria, ou
calquera outra análoga ou complementaria. Neste momento é de
aplicación ás fundacións e sociedades públicas seguintes:
FUNDACIÓN INSTITUTO GALEGO DE OFTALMOLOXÍA.
FUNDACIÓN PÚBLICA HOSPITAL COMARCAL DO SALNÉS.
FUNDACIÓN PÚBLICA HOSPITAL DA BARBANZA.
FUNDACIÓN HOSPITAL DE VERÍN.
FUNDACIÓN PÚBLICA URXENCIAS SANITARIAS DE GALICIA – 061.
FUNDACIÓN PÚBLICA HOSPITAL VIRXE DA XUNQUEIRA.
INSTITUTO GALEGO DE MEDICINA TÉCNICA S.A.
FUNDACIÓN ESCOLA GALEGA DE ADMINISTRACIÓN SANITARIA (FEGAS)
Exclúese o persoal vinculado mediante Contrato de Alta Dirección que
se regulará polas disposicións legais de carácter especial.
Poderán adherirse a
este Convenio outras fundacións ou sociedades públicas, do sector
anteriormente referido, xa estean constituídas e en
funcionamento neste intre ou o fagan no futuro.
Para a citada adhesión requirirase un proceso negociador a tal fin,
e levarase a efecto, de se tratar de entidades con convenio
colectivo vixente, unha vez rematada a súa vixencia; de non existir
Convenio colectivo propio, a adhesión poderá producirse en calquera
momento.
Artigo 2 .-
Vixencia e denuncia.
1.- O Convenio
entrará en vigor o día seguinte ao da súa publicación no Diario
Oficial de Galicia e terá vixencia ata o 31 de decembro de 2007.
2.- Sen prexuizo do establecido no apartado anterior, os efectos
económicos retrotraeranse á data de 1 de xaneiro de 2004, no que se
refire ás contías establecidas no Anexo I. Retrotaeranse á data 1 de
xaneiro de 2005 as cuantías dos anexos II e IV. As disposicións en
materia de xornada retrotraeranse ao 01.01.2005.
3.-
O Convenio prorrogarase automáticamente cando non sexa denunciado
por calquera das partes, por escrito, dentro dos dous meses
anteriores ao remate da súa vixencia. No caso de producirse a
denuncia, permanecerá vixente o seu contido normativo ata a súa
substitución por un novo Convenio. A comisión negociadora deste
deberá constituirse no prazo de 30 días dende a dita denuncia. De
producirse a prórroga automática deste Convenio as contías salariais
previstas nos anexos retributivos serán incrementadas conforme se
dispoña na Lei de Presupostos anuais da Comunidade Autónoma de
Galicia.
4.-
No suposto de que a xurisdición social declare a nulidade de parte
do seu articulado, as partes procederán á súa renegociación baixo o
principio de que dita nulidade non supón a da totalidade do
Convenio.
Artigo 3.-
Compensación e absorción.
As condicións
establecidas neste Convenio compensarán e absorberán as vixentes no
momento da súa entrada en vigor,
tanto resultantes de pacto individual como colectivo.
A.- O complemento
de compensación percibirase segundo o establecido no artigo 29 deste
Convenio.
B.- O complemento
de compensación será absorbido por calquera mellora retributiva que
se produza, incluso as derivadas do cambio de posto de traballo,
sempre que as devanditas melloras retributivas non deriven dos
incrementos retributivos anuais que, con carácter xeral, establezan
as correspondentes leis de presupostos anuais da Comunidade
Autónoma.
Artigo 4 .- Condicións máis beneficiosas .
Unicamente poderán pactarse condicións individuais máis
beneficiosas, estritamente ad personam, cando veñan xustificadas
pola organización do traballo e as condicións particulares de
prestación do servizo non previstas neste Convenio.
Artigo 5.-
Comisión Paritaria.
Créase unha Comisión Paritaria de vixiancia, control e
interpretación do Convenio que para os efectos pretendidos realizará
tódalas funcións inherentes a este triple cometido. A Comisión
estará composta por quince membros de cada unha das partes, e deberá
contituírse no prazo dun mes contado a partir da entrada en vigor do
presente Convenio.
A Comisión reunirase con carácter ordinario alomenos unha vez cada
dous meses e, con carácter extraordinario, cando o soliciten un
mínimo de oito membros de calquera das partes. Neste caso a reunión
celebrarase nun prazo non superior a 15 días dende a dita
solicitude.
Os acordos da Comisión adoptaranse por maioría superior ó 50 por 100
dos membros de cada unha das partes, e serán recollidos en acta,
dándoselles a debida publicidade nos taboleiros de anuncios das
Institucións incluídas no ámbito de aplicación do Convenio. De
considerarse necesario pola súa transcendencia, poderase aprobar a
publicidade dos acordos no Diario Oficial de Galicia.
As partes recoñecen á Comisión Paritaria como instancia previa na
que haberá de procurarse, en primeiro termo, a solución dos
conflitos colectivos que xurdan
sobre a interpretación e aplicación do Convenio.
En consecuencia, as controversias desta natureza que se subsciten
por calquera das partes deberán ser sometidas inicialmente ao
coñecemento da Comisión.
Os acordos, nestes supostos, adoptaranse por maioría de 2/3 de cada
unha das partes e serán vinculantes, coa conseguinte resolución da
controversia, sen que caiba, polo tanto, o exercicio de acción
xudicial ningunha.
Artigo 6.-
Solución extraxudicial de conflitos colectivos.
Unha vez esgotada a vía prevista no artigo anterior, as partes
poderán acordar, por unanimidade, acudir ao procedemento recollido
no Acordo interprofesional galego sobre procedementos extraxudiciais
de solución de conflitos de traballo (AGA).
Excepcionalmente, así mesmo por unanimidade, poderanse designar
outro/s mediador/es de alta cualificación, cando as características,
especial complexidade ou singularidade da controversia que se
subscite así o aconsellen.
Para acudir á solución xudicial do conflito será preciso acreditar a
previa intervención, debidamente certificada, da Comisión Paritaria.
CAPÍTULO II
ORGANIZACIÓN DO TRABALLO
Artigo 7.-
Organización do traballo.
A
actividade prestacional propia das institucións sanitarias está
dirixida de xeito directo ou indirecto a garantir o dereito
universal á protección da saúde consagrado no artigo 43 da
Constitución Española e, como seu corolario, a dispensar, en todo
momento e ocasión, unha axeitada asistencia sanitaria. Así, a
organización do traballo inherente ao exercicio e desenvolvemento
daquela compete, como facultade e deber irrenunciables, ás
direccións dos centros sanitarios. Porén, o exercicio desta
competencia deberá cohonestarse adecuadamente cos dereitos de
audiencia, consulta, información e negociación colectiva recoñecidos
aos representantes dos traballadores.
Se
como consecuencia desas facultades-deberes de carácter organizativo
e, por ende, da ordenación das condicións de traballo do persoal, se
produce afectación substancial das mesmas nos termos do artigo 41 do
Estatuto dos Traballadores, será negociada cos comités de empresa no
ámbito das institucións afectadas.
Así, a modificación de carácter colectivo das condicións recollidas
neste Convenio en materia de horario, réxime de traballo a quendas,
sistema retributivo e sistema de traballo e rendemento, só poderán
producirse por acordo entre a institución e os representantes dos
traballadores. Non será necesario o acordo nos termos do apartado 4
do artigo 41 do Estatuto dos Traballadores cando as modificacións de
traballo en cada institución afecten nun período de 90 días a un
número de traballadores inferior a:
a.- Dez traballadores nas institucións que ocupen menos de
cen traballadores.
b.- O dez por cento do número de traballadores da institución
naquelas que ocupen entre cen e trescentos traballadores .
c.- Trinta traballadores, nas institucións que ocupen trescentos ou
máis traballadores.
Artigo 8.-
Mobilidade interna.
Pola dirección do centro, dentro de cada Institución, disporase a
mobilidade precisa dos recursos que sexan necesarios para garantir a
axeitada organización do traballo, a plena funcionalidade das
unidades e servizos, e a súa completa interconexión, de xeito que se
adapten os efectivos existentes ás necesidades asistenciais que se
produzan.
Emporiso, caberá
a mobilidade negociada cos comités de empresa dos distintos centros,
de certos postos estruturalmente considerados, entre as unidades e
servicios funcionais e entre os diferentes centros de traballo
dependentes da mesma Institución. En tal negociación determinarase o
número, características e ubicación dos ditos postos ofertados, así
como o sistema e procedemento para a adxudicación regrada dos mesmos
que deberá, en todo caso, axustarse a criterios obxectivos.
As
direccións dos distintos centros informarán, periódicamente, ós
comités de empresa da estructura funcional das diversas áreas e
servizos da institución así como da súa dotación e cobertura.
Artigo 9.-
Mobilidade xeográfica.
Cando se produza a mobilidade forzosa dun traballador que conleve
desprazamento nos termos e polas causas previstas no artigo 40 do
Estatuto dos Traballadores, levaranse a cabo as seguintes
actuacións:
- Apertura dun
período previo de consultas cós representantes dos traballadores de
duración non inferior a 15 días.
- O traballador
terá dereito a unha compensación económica nos termos que se
indican:
-
Aboamento de dietas por desprazamento e tres días de manutención
para o seu cónxuxe ou persoa á que se atope ligada de xeito estable
por análoga relación afectiva e familiares que efectivamente se
trasladen.
- A
cantidade global que se pacte cos comités de empresa da Institución
afectada en atención á entidade e características da mobilidade
disposta.
-
Sete días de permiso retribuido por cambio de domicilio.
No
non previsto neste artigo terase en conta a normativa laboral .
Artigo 10.-
Traballos de superior e inferior categoría.
As institucións, en caso de necesidade, poderán adscribir a un
traballador do cadro de persoal a un posto de traballo de superior
ou inferior categoría.
En todo caso, deberán ser respectadas as premisas indicadas de
seguido:
- A realización
de funcións de categoría superior non excederá de seis meses
consecutivos ou alternos nun período de un ano natural, ou oito
meses durante dous anos. De superarse estes períodos, sempre que se
dispoña no cadro de persoal de recursos que reúnan os requisitos
daquelas, as ditas funcións desenvolveranse por rotación semestral.
Este desempeño, en ningún caso, dará lugar á consolidación da
categoría superior.
O traballador afectado polo cambio terá dereito ao recoñecemento de
tódolas condicións derivadas da nova categoría, así como á
percepción das retribucións correspondentes á mesma. O
desenvolvemento de funcións de superior categoría vehicularase,
sempre que sexa posible, mediante as listas que se elaboren para a
selección de persoal con contrato de duración determinada reguladas
no presente Convenio.
- O
desempeño de funcións de categoría inferior non superará un período
de 30 días consecutivos nun ano.
O traballador conservará as retribucións
correspondentes á categoría inicial.
En todo caso,
quedarán excluidos desta limitación os supostos derivados da
aplicación das medidas protectoras previstas na Lei de Prevención de
Riscos Laborais que se prolongarán até que conclúan as razóns
tuitivas que os motivaran.
CAPÍTULO III
SELECCIÓN E
CONTRATACIÓN
Artigo 11.- Tipos
de contratos.
A contratación de novo persoal
procederá unicamente cando así o xustifiquen as necesidades do
servizo. Corresponde aos órganos de dirección e goberno, no marco
das súas competencias, a valoración de ditas necesidades e a
conseguinte decisión sobre a incorporación de novos efectivos.
Con
independencia dos dereitos de información que en materia de
contratación e acceso de persoal se garanten aos comités de empresa
na normativa vixente, nos casos de necesidade de contratación
estrutural informarase aos ditos órganos da concorrencia desa
necesidade, funcións a cubrir e efectivos que se requiran.
As
direccións dos centros vincularán ao novo persoal mediante as
modalidades e fórmulas previstas na normativa laboral e no presente
Convenio, de acordo coas características estructurais (atención ou
cobertura permanente) ou conxunturais que concorran.
Os
órganos de dirección decidirán así mesmo, a modalidade concreta e
duración dos contratos do novo persoal, exclusivamente, en atención
aos supostos legalmente establecidos, coas seguintes adaptacións:
A.- Contrato de obra ou servizo determinado: para os efectos
previstos no artigo 15.a do Estatuto dos Traballadores, comprende os
traballos ou tarefas con substantividade propia dentro da actividade
normal da Institución, podéndose cubrir baixo esta modalidade
contractual os seguintes:
- Posta en marcha de novas obras ou actividades.
- Programas especiais.
- Reforzos en
períodos estacionais.
B.- Contrato de
acumulación de tarefas: poderá celebrarse cando as necesidades
asistenciais así o aconsellen, cunha duración máxima de 12 meses
dentro dun período de 18 meses, computados dende a data na que se
produza a causa que o orixine.
C.- Contrato de
interinidade: nos termos establecidos no artigo 15.c do Estatuto dos
Traballadores amentado e normas de desenvolvemento.
No suposto de cobertura interina dunhas funcións ou necesidades
permanentes da Institución manterase o vínculo ata a súa cobertura
definitiva polo procedemento selectivo previsto no artigo 13
deste Convenio. En todo caso, a
praza cuberta interinamente deberá ser obxecto de oferta ou
selección nese proceso que se vehicule.
Artigo 12.-
Selección de persoal.
A
selección de persoal suxeitarase aos principios e bases xerais
recollidos nos parágrafos 1 e 2 do artigo 30 da lei 55/2003 do
estatuto marco do persoal estatutario dos servizos de saúde; e de
acordo cos termos previstos na lei 10/96 do 5 de novembro (dog nº
227 de 20 de novembro) de actuación de entes e empresas nos que ten
participación maioritaria a xunta de galicia en materia de persoal e
contratación ou nos termos da norma que a substitúa.
Artigo 13.-
Acceso á condición de persoal laboral fixo ou por tempo indefinido.
A.- Acceso mediante probas selectivas:
En estrito respecto aos principios constitucionais que rexen o
acceso ao servizo da Administración Pública, e de conformidade co
previsto na Lei referida no artigo anterior, para o acceso á
condición de persoal con contrato fixo ou indefinido será preciso
superar as probas selectivas convocadas para estes efectos. Fóra
deste suposto de acceso, como garantía inequívoca e indefectible dos
principios constitucionais de mención, non caberá a contratación
fixa ou indefinida de ningún traballador; polo que calquera
irregularidade cometida nos contratos formalizados co persoal das
Institucións incluídas no ámbito do presente Convenio non suporá, de
ningún xeito, a conversión do seu vínculo en indefinido ou fixo.
B.- En cada convocatoria reservarase unha cota non inferior ao cinco
por cento das prazas convocadas, para ser cubertas entre persoas con
discapacidade de grao igual ou superior ao 33 por cento. Estes
aspirantes, para resultar seleccionados, deberán superar as probas
selectivas e acreditar o indicado grao de discapacidade e a
compatibilidade co desempeño das tarefas e funcións específicas, nos
termos que se fixen nas convocatorias.
Xa que logo a reserva farase efectiva naquelas convocatorias que
oferten un mínimo de dez prazas aplicando, a partires da primeira
praza reservada a esta quenda, o criterio indicado no parágrafo
anterior.
No desenvolvemento das probas selectivas facilitaranse as axudas
técnicas precisas para a súa adaptación ás necesidades específicas e
singularidades dos aspirantes con discapacidade, previa petición
motivada e nos termos que se establezan na convocatoria.
C.- Comisión de selección: Para a selección dos aspirantes en cada
institución constituírase, en todo caso, unha comisión de selección
que intervirá na totalidade do proceso e fases do mesmo. As
ditas comisións estarán constituídas por un mínimo de tres membros,
un dos cales será designado polo comité de empresa.
D.- Proceso
selectivo: Con carácter xeral, a selección realizarase mediante a
superación polos aspirantes, dunha ou máis probas, segundo se
determine na convocatoria, e, no seu caso, a avaliación dos méritos
de carácter obxectivo que se concreten na convocatoria. Con
independencia da realización de probas de aptitude de carácter
eliminatorio (exame tipo test ou exame teórico ou proba práctica), a
convocatoria poderá prever a celebración dunha entrevista regrada na
que se avaliarán as competencias específicas ou xerais pertinentes
relacionadas coas funcións propias da profesión ou actividade
concreta de que se trate. A puntuación da entrevista non poderá
superar o 20 por cento da puntuación total asignada ao proceso
selectivo. Para a realización da entrevista, a comisión de selección
fixará con anterioridade as materias obxecto da mesma, así como os
criterios para a súa avaliación.
E.- Méritos: Na
avaliación dos méritos dos aspirantes darase especial relevancia á
formación postgraduada e á experiencia profesional acreditada. Esta
última avaliará tódalas actividades ou prestacións que teñan
relación coas funcións dos postos de traballo obxecto de cobertura,
tanto nas Institucións públicas dos servizos de saúde do Estado
español ou da Unión Europea, como nas privadas; coa posibilidade de
establecer unha puntuación ponderada segundo a clase de Institución
de que se trate.
F.-
Procesos excepcionais: Cando a complexidade do cometido a
desenvolver, a formación específica esixida, o nivel de
especialización requirido o aconsellen, o proceso selectivo poderá
consistir, exclusivamente, na avaliación dos méritos dos aspirantes
adaptados ao perfil do posto que sexa preciso cubrir. Neste suposto
requirirase a comparecencia dos aspirantes ante a comisión de
selección dirixida a xustificar e defende-los méritos aportados.
Para a aplicación deste sistema de acceso requirirase a elaboración
dun expediente previo no que se fagan constar as características do
posto a cubrir e as concretas especificacións que o conforman. A tal
efecto requirirase un acordo motivado da comisión de selección.
G.-
Obxectividade do proceso selectivo: Dadas as especificidades e
relevancia da prestación da asistencia sanitaria, en todo proceso de
selección fixaranse criterios ou sistemas obxectivos que, coas
garantías precisas, permitan constatar a capacidade e competencias
mínimas necesarias para o desempeño das funcións propias da
categoría.
H.-
Promoción profesional: Nas probas selectivas poderá reservarse ata o
30% das prazas convocadas para a súa provisión pola quenda de
promoción interna, á que poderá concorrer o persoal fixo da
Institución que acredite a titulación precisa e unha antigüidade
mínima de dous anos con tal carácter de persoal fixo.
Nesta quenda, nos termos establecidos na convocatoria, podera
eximirse aos aspirantes da realización da entrevista e/ou dalgunha
das probas, sempre que estas garden relación coas funcións
anteriormente desenvolvidas.
Aos
méritos valorados con carácter xeral engadiranse outros relacionados
fundamentalmente coa antigüidade como persoal fixo e o contido do
traballo desenvolvido na propia Institución.
As
prazas non cubertas pola quenda de promoción interna incrementarán
as ofertadas pola quenda de acceso libre cando así se faga constar
expresamente na convocatoria.
Poderanse celebrar probas selectivas
específicas para a promoción interna do persoal fixo, dentro do
respecto ao procedemento e condicións previstos nos parágrafos
anteriores.
I.- Cota de mobilidade entre
institucións do ámbito do Convenio: Nas probas selectivas poderá
reservarse ata o 30% das prazas convocadas para o acceso do persoal
doutras Institucións incluídas no ámbito de aplicación do Convenio
que acredite unha antigüidade mínima de un ano como persoal fixo en
praza co mesmo contido funcional, dentro do respecto ao procedemento
e condicións previstos nos parágrafos anteriores. Para o acceso a
esta prazas poderá recollerse nas convocatorias a exención dalgunha
ou da totalidade das probas de aptitude, así como da realización da
entrevista. Nas ditas convocatorias especificaranse os requisitos
que deberán reunir os aspirantes para esta exención.
O traballador que acceda a outra Institución por este procedemento
perderá os dereitos sobre a praza orixinaria.
Artigo 14.-
Selección de persoal con contrato de duración determinada.
A
selección do citado persoal realizarase de conformidade coa orde de
prelación que resulte das listas elaboradas polas distintas
categorías existentes nas Institucións incluídas no ámbito de
aplicación do presente Convenio, consonte aos criterios de selección
que se determinen, nos que se terá en conta, en todo caso, a
formación dos aspirantes e a súa experiencia profesional no
desenvolvemento das correspondentes funcións.
O
procedemento de elaboración e xestión das listas co establecemento
das normas xerais de acceso e os baremos aplicables a cada posto de
traballo, será negociado en cada Institución cos representantes dos
traballadores.
A
cobertura de postos de traballo a través da formalización de
contratos de duración determinada vehicularase mediante o chamamento
dos aspirantes incluídos nas devanditas listas e sempre segundo a
orde colexida da puntuación acreditada.
En
todo caso estableceranse procedementos que posibiliten o acceso
temporal a outras categorías do persoal con contrato fixo ou por
tempo indefinido que acredite a titulación precisa (relacionar co
artigo 10 deste Convenio). Esta promoción temporal non suporá a
consolidación da categoría promocionada, xa que para iso resulta
indefectible o acceso a través do procedemento regrado no artigo 13
anterior.
Artigo 15.-
Período de proba.
1.- Dadas as características e
actividade prestacional propias das Institucións incluídas no ámbito
do Convenio, todo o persoal estará suxeito a un período de proba coa
seguinte duración:
- Licenciados e diplomados universitarios: 3 meses.
- Resto do persoal: 2 meses.
O
período de proba suspenderase durante a situación de incapacidade
temporal e demáis causas de suspensión legalmente establecidas.
A
proba consignarase en tódalas modalidades de contrato que se
subscriban cos traballadores (contrato
fixo ou de duración determinada).
Os períodos
contractuais de duración inferior á do período de proba fixado para
cada un dos colectivos de persoal anteditos, acumularanse ata
completar o dito período de proba, carecendo este de virtualidade
unha vez se teña cumprido para cada posto de traballo ou funcións
similares.
Durante o período de proba ámbalas dúas partes poderán rescindir o
contrato. Este cesamento non xerará dereito a indemnización.
O período de proba, de ser superado, computarase para tódolos
efectos. As condicións de traballo e retributivas, durante este
período, serán idénticas ás do resto dos traballadores.
2.- Excepciónase
do período de proba a aquel persoal fixo que accedera á condición de
laboral fixo na mesma categoría noutra Institución polo cupo de
mobilidade previsto na alinea “I” do artigo 13.
Artigo 16.-
Mobilidade.
A.- Mobilidade do
persoal estatutario do Servizo Galego de Saúde e funcionario da Lei
17/89 de 23 de outubro de creación de escalas do persoal sanitario
ao servizo da Comunidade Autónoma -persoal laboral das Institucións
do ámbito do Convenio: O persoal estatutario do Servizo Galego de
Saúde e funcionario da Lei 17/89 de 23 de outubro de creación de
escalas do persoal sanitario ao servizo da Comunidade Autónoma,
Servizo Galego de Sáude, nos termos previstos na súa normativa
específica, poderá prestar servizos nas Institucións incluídas no
ámbito de aplicación do Convenio, con suxeición ás condicións de
traballo e retributivas establecidas con carácter xeral no presente
Convenio ou ás pactadas individualmente.
Así mesmo caberá
aplicar a reciprocidade desta medida, en prazas de natureza
estatutaria, aos traballadores incluídos no ámbito do presente
Convenio, de acordo coa normativa estatutaria que resulte de
aplicación.
A adopción das
anteriores medidas de mobilidade funcional non requirirá a
cumprimentación do sistema de acceso regrado previsto neste
Convenio.
B.- Mobilidade
temporal do persoal laboral fixo ou indefinido entre Institucións
incluídas no ámbito do Convenio: Poderase dispoñer a mobilidade de
recursos dos traballadores fixos ou indefinidos entre Institucións
dentro do ámbito do presente Convenio, a criterio das direccións
respectivas e en función das súas necesidades, coa anuencia do/s
traballador/es afectado/s e cun límite temporal de tres anos. Neste
período garantirase a reserva do posto de traballo de orixe.
A citada
mobilidade funcional virá motivada en interés das Institucións
incluídas no ámbito deste Convenio, pola necesaria cooperación e
colaboración entre elas, na prestación da súa carteira de servizos,
ante situacións de prestación urxente e inaprazable, e para
completar e mellorar a formación dos traballadores.
No
caso de producirse este tipo de mobilidade consentida, os comités de
empresa das Institucións afectadas deberán ser informados con
indicación do período de tempo fixado para a dita mobilidade.
CAPÍTULO IV
EXTINCIÓN DO CONTRATO DE TRABALLO
Artigo 17.- Causas.
O
contrato de traballo extinguirase nos supostos establecidos no
Estatuto dos Traballadores.
Artigo
18.- Xubilación.
A
xubilación será obrigatoria ao cumprir os sesenta e cinco anos.
Aqueles
traballadores que, ao acadar esta idade, non teñan cumprido o
período mínimo de cotización á Seguridade Social para causar dereito
á prestación, poderán continuar prestando servizos ata cumprir o
citado período de acordo co previsto na normativa vixente da
Seguridade Social.
O
persoal poderá xubilarse voluntariamente de acordo cos requisitos
establecidos no réxime da Seguridade Social. Naqueles supostos de
redución de xornada por motivo de xubilación as Institucións
cubrirán a xornada a tempo parcial coa modalidade de contrato de
relevo previsto no artigo 12.6 do Estatuto dos Traballadores.
1.- Terá a
consideración de garda o tempo de traballo realizado polo persoal
facultativo e outro persoal destinado a garantir a atención
continuada, permanente e urxente dos usuarios das institucións
sanitarias, fóra da xornada ordinaria á que se refire o artigo 20.
2.- Limitacións:
A duración máxima
conxunta do tempo de traballo correspondente a xornada ordinaria e
gardas non poderá exceder do limite máximo de 48 horas semanais de
traballo efectivo de promedio en cómputo semestral.
A eses efectos non
serán computados os períodos de localización que non sexan tempos de
traballo efectivo.
Cando razóns
organizativas ou asistenciais así o aconsellen, a fin de garantir a
adecuada atención continuada e permanente dos usuarios dos centros
sanitarios, poderá superarse dentro dos límites legais
previstos para o persoal do Sistema Nacional de Saúde, a duración
máxima mentada no punto anterior, coas seguintes garantías:
a)
Manifestación expresa do consentimento do traballador.
b)
Garantía de protección da seguridade e saúde dos
profesionais.
c)
Garantía dos descansos mínimos diario e semanal, ou réxime de
descansos alternativos compensatorios.
3.-
O réxime de compensación establecido neste artigo e anexo I, será
aplicable exclusivamente aos períodos de garda efectivamente
prestados, sen que caiba a aplicación doutros réximes de
compensación, nin a concorrencia con outros réximes de
compensación.
4.-
Modalidades de garda:
a)
De presencia física: aquela que implique a permanencia do
traballador na institución durante o seu transcurso.
b)
Localizada: aquela que esixe que o traballador estea
localizado para atender os requirimentos da institución para a
prestación dun traballo ou servicio efectivo.
c)
Mixta: aquela que participa da configuración das dúas
anteriores, e, xa que logo, requira un período de tempo mínimo de
presencia do traballador na institución dentro da duración total
fixada para a garda.
Nas institucións
estableceranse os criterios para unha máis precisa concreción dos
sistemas de gardas así como para a procura da mellor coordinación do
seu réxime, logo de consulta co comité de empresa.
5.- Logo de negociación cos respectivos comités de empresa,
respectando as cantidades máximas reflectidas no anexo IV no
presente convenio para a retribución das gardas, poderán modularse
os valores ou contías para cada unha das modalidades, en atención ás
características que concorran e configuración previa, en todo caso,
dos parámetros pertinentes ou compensacións en termos de xornada.
Durante o disfrute do período vacacional percibirase a contía
resultante da media das retribucións que por concepto de garda se
percibise nos seis meses inmediatamente anteriores.
En
caso de risco durante o embarazo, as mulleres que realicen gardas
poderán solicitar a exención das mesmas en tanto subsista a súa
causa.
6.-
Libranzas:
6.1 De xeito
ordinario a garda de presencia física implicará un descanso nas 12
horas seguintes á súa realización. Naqueles supostos nos que, por
razóns imperativas que puidesen afectar á actividade asistencial,
non fose posible materializar o dito descanso, este farase efectivo
dentro dos 15 días seguintes ao de realización da garda; sen
menoscabo de que caiba negociar, de xeito individual ou colectivo,
outros períodos de referencia que non superarán os dous meses. Para
este último caso requirirase informe do comité de empresa, sen que
en ningún caso caiba compensación económica.
6.2 A prestación
efectiva de servizos durante as gardas localizadas non obstará o
disfrute do descanso mínimo diario e semanal. De non poderse facer
efectivo o dito dereito, acordaranse individual ou colectivamente os
sistemas de compensación que correspondan, sen que en ningún caso
caiba compensación económica, agás no caso da finalización da
relación de servizos.
CAPÍTULO VI
ESTRUTURA SALARIAL
Artigo 29.-
Salario de Convenio.
1.1.- As remuneracións dos traballadores comprendidas neste Convenio
estarán constituídas polo salario base e polos complementos
retributivos que se definen, en apartados separados, en atención ás
características e os parámetros que os conforman.
1.2.- O salario base retribuirase conforme ás contías que se
recollen no anexos I e II, pola realización da xornada completa e
efectiva por cada grupo de clasificación dos recollidos no artigo
32.
1.3.- Complementos retributivos: retribúen o desenvolvemento e
execución do traballo con base nas condicións e características e
parámetros que, de seguido, se explicitan:
·
Antigüidade: Percibirase polos traballadores con contrato fixo ou
indefinido, na contía establecida no anexo V para cada grupo
profesional, por cada tres anos de servizos prestados como persoal
fixo ou temporal nas Institucións incluídas no ámbito de aplicación
do presente Convenio. O trienio cumplido terá efectos económicos
desde o primeiro día do mes seguinte a aquel en que se perfeccione..
·
Complemento de Convenio e productividade fixa: retribúen a
realización das funcións inherentes a unha determinada categoría
profesional. As contías que retribúen estes concepto se recollen nos
anexos I e II. O complemento de productividade fixa incrementarase
no ano 2006 nas contías previstas no IV.
·
Actividade única: Retribúe a dedicación horaria á Institución e o
compromiso do profesional a non desenvolver unha segunda actividade
nos termos previstos na Lei 53/1984 de incompatibilidades do persoal
ao servizo das Administracións Públicas ( BOE nº 4 de 4 de xaneiro
de 1985). As contías que retribúen este concepto se recollen
nos anexos I e II.
·
Actividade en xornada nocturna e xornada feirada (domingos e
festivos) : Este concepto retributivo aboarase exclusivamente
a aqueles grupos que o teñan establecido de forma diferenciada dos
restantes conceptos retributivos no anexo IV, pola realización
de quendas entre as 22:00 e as 8:00 horas e pola prestación
de servizos en domingos ou festivos. No suposto de que
coincidan nocturnidade e xornada feirada, retribuirase
exclusivamente a contía superior.
No caso do
persoal facultativo, este concepto retributivo percibirase
exclusivamente por aquel persoal que traballe en réxime de quendas
rotatorias, entendéndose por tal calquera réxime de traballo que
implique
rotación horaria, no cumprimento da xornada ordinaria e diaria,
establecida na carteleira, con independencia do tramo horario no que
se desenvolva e sempre que non concorra retribución por servizos de
garda.
·
Gardas: Retribúe o tempo de traballo destinado a garantir a atención
continuada, permanente e urxente dos usuarios das institucións
sanitarias, nos termos previstos no artigo 22.
As
súas contías determinaranse por horas de presencia física ou
localizada. As contías que retribúen este concepto se
recollen no anexo IV.
No
caso de gardas mixtas devengaranse as retribucións que correspondan
por cada modalidade de realización, no horario establecido.
Os
valores fixados teñen carácter de máximos que poderán ser modulados
en atención ás características propias de cada Institución segundo
se dispón no artigo 22 do presente Convenio.
·
Dispoñibilidade horaria: Retribúe a especial situación de
disponibilidade de certos postos de traballo, a requerimento das
necesidades emerxentes, non permanentes e excepcionais, adicionada á
xornada horaria que teñan asignada. A percepción deste complemento
retributivo será incompatible coa do complemento por gardas previsto
no parágrafo anterior.
·
Complemento variable por cumprimento dos obxectivos previstos: Vén
determinado polo cumprimento dos obxectivos fixados respecto dos
traballadores das Institucións comprendidas no ámbito do Convenio
para cada ano. A súa determinación terá como base o rendemento e
calidade do servizo acadados, a especial adicación dos profesionais
e a eficacia e eficiencia no desenvolvemento do traballo, así como o
grao de participación nos obxectivos xerais da Institución.
En cada Institución
negociaranse cos representantes dos traballadores os criterios e
parámetros concretos de devengo do incentivo. Así mesmo, en cada
Institución, adoptaranse as medidas pertinentes para efectuar o
seguimento do cumprimento dos obxectivos. As contías que
retribúen este concepto se recollen no anexos I e II.
·
Realización de funcións de responsabilidade e coordinación e
actividades especiais: Este complemento percibirase cando se asignen
funcións que impliquen responsabilidade, xefatura ou coordinación
dunha unidade ou unidades funcionais, así como cando se executen
actividades ou cometidos específicos ou singulares dentro dos
xenéricos da categoría profesional de que se trate. Neste último
caso, a asignación do complemento esixirá a formación específica e
cualificación precisa do traballador, e para o seu devengo
requirirase a constatación da diferencia, complexidade e dificultade
das tarefas, nas distintas Institucións. Previa negociación co
comité de empresa, fixaranse a configuración, características e
requisitos esixidos para este complemento retributivo e
determinaranse os servizos e unidades funcionais que reúnen as
condicións fixadas para a percepción do dito complemento.
·
Programas especiais: Retribúe a participación voluntaria en
actividades, actuacións ou programas concretos e non permanentes.
As contías que se fixan nos anexos do
presente Convenio para o ano 2005 incrementaranse, nos anos
sucesivos da súa vixencia, de conformidade co disposto nas Leis de
orzamentos para o persoal ao servizo da Comunidade Autónoma.
1.4.- Complemento persoal de compensación.
A.- Dereito ao complemento persoal de compensación.
O persoal que, como consecuencia dunha integración colectiva no
presente convenio, desempeñe postos de traballo de categorías que,
en cómputo anual, pasen a acreditar retribucións en contía global
anual conxunta inferior ás que o devandito posto de traballo tiña
asignados con anterioridade, causarán dereito ao percibo do
complemento de compensación persoal calculado nos termos que se
indican no apartado B do presente artigo.
Na
comparación de retribucións determinantes do nacemento do dereito ao
devandito complemento incluiranse tódolos conceptos de contía fixa
derivados do desempeño ordinario do posto de traballo, así como os
de contía variable polo importe anual máximo asignado,
resultantes todas elas, de pacto individual ou colectivo. Non se
terán en conta aqueloutros ligados á actividade singular e
específica do traballador tales como a realización de gardas, horas
extraordinarias, traballo en domingos e festivos, realización de
noites, sexa cal sexa a súa forma de devengo ou denominación, xa se
paguen por unidade de traballo, tempo ou a tanto alzado, ou
retribúan a través dun complemento unha concreta actividade non
ordinaria, nin tampouco aqueloutros conceptos que retribúan
directamente a antigüidade. Así mesmo, non se terán en conta ós
efectos do cálculo do complemento as contías dos conceptos salariais
que remuneren a realización de funcións de responsabilidade e
coordinación e as actividades especiais. O desempeño de tales
funcións será retribuído conforme se dispón nos conceptos
retributivos de igual nome que se recollen no presente artigo.
B.- Contía do complemento persoal de compensación.
O persoal que cause dereito ó complemento de compensación conforme ó
indicado no apartado anterior, percibirá o devandito concepto no
importe calculado nos termos que se indican a seguir:
1.
O importe
anual do complemento de compensación virá determinado pola adición
de valores, positivos ou negativos, obtidos por comparación separada
das retribucións de carácter fixo, por unha banda, e das de carácter
variable, pola outra.
2.
A
compensación entre retribucións de carácter fixo consistirá na
diferencia entre o importe global anual conxunto dos conceptos
retributivos de carácter fixo asignados ao traballador na data da
súa integración no Convenio e os conceptos retributivos do mesmo
carácter que lle corresponden como consecuencia da aplicación das
táboas salariais establecidas nos anexos II e III.
3.
A
comparación entre retribucións de carácter variable consistirá na
diferencia entre o importe global anual conxunto dos conceptos de
carácter variable nos termos recollidos no apartado A e coas
exclusións nel previstas, asignados ó traballador na data da súa
integración no Convenio, e o importe global conxunto dos conceptos
de carácter variable que lle corresponden como consecuencia da
aplicación da táboa salarial establecida no anexo II.
4.
Obtido o importe global anual do complemento persoal de
compensación, aqueles traballadores que causaran dereito ó mesmo
conforme o previsto no apartado 1 do
presente artigo, percibirano mensualmente na contía dunha doceava
parte do seu valor.
5.
Os conceptos
retributivos que, segundo o disposto no apartado 1 do presente
artigo non deban ser tomados en consideración para determinar o
nacemento do dereito ó complemento de compensación, tampouco deberán
ser tidos en conta para o cálculo do seu importe.
6.
En ningún
caso o recoñecemento deste complemento poderá supoñer que
retribucións que no momento anterior tiñan a natureza de fixas
poidan verse modificadas na súa natureza por variables.
7.
A
actualización do complemento de compensación realizarase con base
nas previsións anuais da Lei de Presupostos da Comunidade Autónoma
de Galicia sobre actualización de retribucións no sector público da
Comunidade Autónoma.
Artigo 30.-
Axudas de custo.
Están
constituídas polas cantidades devengadas diariamente para satisfacer
os gastos que, por manutención e/ou desprazamento, orixine a
estancia en localidade distinta da que, de xeito habitual, se presta
servizo, cando, con carácter eventual, a dirección da Institución
dispoña tal desprazamento.
As
contías por esa percepción non salarial serán as aplicables ao
persoal da Administración Pública galega.
Non
se percibirán as dietas por desprazamento cando a dirección do
centro poña a disposición dos traballadores transporte axeitado.
Artigo 31- Pagas
extraordinarias.
Establécense dúas
pagas extraordinarias por importe do salario base de Convenio e a
antigüidade recoñecida, que serán aboadas ó traballador nos meses de
xuño e decembro. De acordo co tempo traballado aboarase, en
prorrateo anual, a parte proporcional do valor destas
gratificacións.
Artigo 32.-
Clasificación do persoal.
O
persoal clasifícase en función da titulación requirida ou formación
básica esixible para o desenvolvemento do posto de traballo e o seu
carácter sanitario ou non sanitario, nos seguintes grupos:
1.
Persoal facultativo especialista.
2.
Persoal facultativo non especialista.
3.
Titulados universitarios superiores non sanitarios.
4.
Titulados universitarios de grao medio sanitarios ou
formación equivalente.
5.
Titulados universitarios de grao medio non sanitarios.
6.
Técnicos con formación profesional superior sanitarios.
7.
Técnicos con formación profesional superior non sanitarios ou
formación equivalente.
8.
Técnicos con formación profesional básica sanitaria.
9.
Técnicos con formación profesional básica non sanitaria.
10.
Persoal sen titulación específica.
Artigo 33.-
Postos de traballo.
Os postos de
traballo existentes no ámbito de aplicación do presente Convenio
colectivo serán desempeñados polos profesionais clasificados de
acordo co artigo anterior e terán un cometido acorde coas profesións
tituladas sanitarias que acrediten. De se tratar de profesións
tituladas non sanitarias o cometido dos postos de traballo
axustarase ó grao de formación e coñecementos específicos esixidos.
Aqueles postos de
traballo referidos a actividades que non requiran titulación
específica para o seu cometido abranguirán o desenvolvemento de
tarefas de apoio ou complementarias en áreas funcionais de carácter
técnico, de asesoramento ou estudio; así como o desempeño de oficios
correspondentes á actividades de apoio ou execución básica.
Nas diferentes
Institucións poderá negociarse cos comités de empresa a definición
de determinados postos de traballo por actividade funcional, así
como establecer criterios de mobilidade e interconexión prestacional
das súas distintas áreas ou servizos funcionais.
CAPÍTULO VII
PERMISOS E LICENCIAS
Artigo 34.-
Permisos.
Os
traballadores, logo de aviso e posterior xustificación, terán
dereito a permisos retribuídos polos motivos e duración seguintes:
a) Quince días naturais
ininterrompidos por casamento ou por constituírse en parella de
feito.
O
permiso poderá abarcar os días inmediatamente anteriores ou
posteriores á data do feito causante.
Os
Directores das institucións establecerán, previa negociación cos
representantes dos traballadores, a maneira en que os solicitantes
xustificarán o feito causante, esixíndose sempre documento público.
b) Tres días naturais polo nacemento
de fillo, adopción ou acollemento (preadoptivo ou permanente) de
menores de seis anos; así como pola morte, enfermidade grave ou
hospitalización do cónxuxe, parella de feito ou familiar ata o
segundo grao por consanguinidade ou afinidade. Se o feito causante
se produce fora do ámbito territorial do convenio, o permiso
amplíarase a cinco días naturais ininterrompidos.
c)
Permiso de paternidade. 8 días naturais ou 10 se o parto é múltiple
por nacemento de fillo ou filla, adopción ou acollemento preadoptivo
ou permanente, que se computarán desde o feito causante.
O pai non terá dereito ao
permiso se os proxenitores non estivesen casados nin unidos de feito
en análoga relación de afectividade, ou se non se lle recoñeceu a
garda do fillo ou filla que acaba de nacer en resolución xudicial
ditada en proceso de nulidade, separación ou divorcio iniciado antes
da utilización do permiso. En todos eses casos, a nai, se fose
persoal ao servizo da Administración pública galega, poderá
utilizar, sexa cal sexa a situación laboral do pai, este permiso,
con carácter ininterrompido desde a finalización da licenza de
maternidade. Tamén poderá utilizalo, en iguais termos, se o pai
falecese antes da utilización íntegra do dito permiso ou se a
filiación paterna non estivese determinada.
O dito permiso será acumulable a calquera outro dereito recoñecido
na normativa aplicable, inclusive ao permiso de nacemento de fillo
ou filla e, se ambos se acumulasen, o de paternidade computarase
desde a finalización do permiso de nacemento do fillo ou da filla.
| 
