Novas de prensa sobre a concentración de PAC na Xerencia de A Coruña

http://www.laopinioncoruna.es/sociedad/2012/02/01/trabajadores-atencion-primaria-galicia-exigen-mejoras-laborales/575978.html

HOXE ESTIVEMOS NO ABENTE, DIANTE DA XERENCIA, A PRÓXIMA MOBILIZACIÓN: DÍA 7 DE FEBREIRO, ÁS 11 HORAS, DIANTE DO SERGAS EN SANTIAGO

AO PERSOAL MÉDICO E DE ENFERMARÍA DE PACs

Despois da absolutamente decepcionante xuntanza da Comisión de Seguimento dos Acordos de Primaria, que por fin o Sergas convocara grazas á insistencia de CIG-Saúde, continuamos a defender os catro puntos apoiados por máis de catrocentas sinaturas de enfermeiras/os e médicas/os de PACs:

1.    Cómputo de xornada. Reclamamos unha interpretación correcta dos termos do acordo e a súa translación ao aplicativo informático, para rematar coa situación actual na que se penaliza aos traballadores cando teñan unha IT ou collen un permiso retribuído.
2.    Confección de calendarios. Reclamamos calendarios anuais elaborados coa participación das e dos traballadores e construídos con criterios de equidade. Neses calendarios, a xornada ordinaria e a complementaria deben estar claramente diferenciadas, e deben recoller necesariamente a xornada ordinaria do persoal de PAC e tódolos seus permisos.
3.    Cumprimento da Acta do 16 de xuño. Na súa aplicación en cada área reclamamos que, de quedar horas suficientes (1623 horas/anuais), se proceda á creación dun vinculo estable (obra e servizo) contratando persoal das listas de contratacións antes de ofertalas á voluntariedade.
4.    Contratación de persoal das listas. Reclamamos que se cumpran os apartados do acordo que establecen que diante dunha ausencia, o primeiro é contratar persoal das listas de contratacións. E para iso CONVOCAMOS AS SEGUINTES

MOBILIZACIÓNS:

1.    Concentracións nas xerencias de cada área (ou no lugar alternativo que se decida en cada comarca), que comezarán ás 11 horas do día 31 de xaneiro.
2.    Concentración diante do SERGAS, en Compostela, ás 11 horas do día 7 de febreiro.

 Publicado hoxe no Dog a relación de cursos de formación continuada FEGAS para  o ano 2012.

Prazo de inscripción: convocatoria_FEGAS_2012.pdf

1 a 20 de febreiro para os impartidos no primeiro semestre. 1 ao 20 de xuño para os do segundo.

Ver arquivo adxunto

1-Expedient-e. Validacións dos 3200 aspirantes inscritos nas categorías de Técnicos Superiores, poderase visualizar a baremación desglosada (por exemplo, no apartado de Formación Continuada virán relacionados todos os cursos baremados coa súa puntuación, e os cursos non baremados coas causas de exclusión).

2.-A mediados de febreiro, listaxes provisionais de admitidos/as e excluídos/as de Técnicos Superiores. A Administración infórmanos de que se farán as seguintes publicacións de listas:

·        1º Listaxes provisionais de admitidos/as e excluídos/as sen puntuación. Abrirase un prazo de reclamacións de 10 días para    subsanar erros nos requisitos (titulación errónea, pago erróneo de taxas, cumprimentación incompleta da inscrición...).

·        2º Listaxes provisionais de admitidos/as con puntuación desglosada (OPE, Formación Continuada, Experiencia Profesional...).     Abrirase un prazo de reclamacións de 10 días para subsanar erros nos méritos.

·        3º Listaxes definitivas de admitidos/as con puntuación.

3.- Seguintes categorías a validar: PSX, Auxiliar Administrativo e celador. Hai 17000 inscricións.

4.- En febreiro preven á apertura de inscricións das categorías de:

·        DUE

·        Traballador/a Social

·        Psicólogo/a Clínico/a  

·        Técnico/a en Prevención de Riscos Laborais

·        Logopeda

5.- Do resto de categorías non fan ningunha previsión.

6.- OUTRAS: Promoción Interna. Áreas limítrofes

RESOLUCIÓN do 3 de xaneiro de 2012, da Secretaría Xeral de Política Lingüística, pola que se convocan as probas para a obtención dos certificados de lingua galega, niveis Celga 1, 2, 3 e 4, no ano 2012 (ED114A).

●Prazo de inscripción: dende o día 18/01/12 ata o 3 de abril de 2012 inclusive.

Ver cursos Celga  

Dende a Plataforma SOS Sanidade Pública queremos facer chegar ao Parlamento de Galicia o rexeitamento aos recortes e privatizacións dos servizos sanitarios que está levando a cabo o goberno da Xunta de Galicia, algunha de cuxas medidas pretender pór en marcha a través dos Orzamentos da CCAA do ano 2012.

Por este motivo a Plataforma SOS Sanidade Pública convoca unha concentración mércores dia 21 de decembro ás 5 da tarde diante do Parlamento de Galicia, aos representantes das Plataforma para a Defensa da Sanidade Pública e as organizacións que a integran coincidindo co debate da Lei de Acompañamento dos orzamentos sanitarios para o próximo ano, diante do Parlamento de Galicia ( para a que se solicitou autorización legal).

Na concentración a Plataforma fará entrega aos parlamentarios dunha bolsa de supervivencia que deberan levar aqueles enfermos que sexan hospitalizados nos centros públicos, se sae adiante a estratexia do presidente Núñez Feijoo de facer pagar os servizos de comida, limpeza, hixiene, etc.

Aínda que á mesma están convocados representes das Plataformas para a Defensa da Sanidade Pública e das organizacións que integran SOS Sanidade Pública, facemos extensivo o chamamento a todos os cidadáns que queiran a que se sumen á mesma, dado que os recortes e privatizacións afectaran gravemente a todos os galegos/as e quen residen na CCAA.

A intervención, mediante rolda de prensa, da Unión Comarcal de CIG, coa participación de delegadas sindicais de CIG en Cáritas e a responsable comarcal de CIG-saúde María Seijo, e a decisión dunha das persoas afectadas pola desactivación das tarxetas sanitarias provoca a publicación da rolda e múltiples entrevistas a esta persoa nos medios de comuniación galegos e estatais.

Feijoo e Farjas non tiveron outro remedio máis que rectificar ante a gran presión cidadá e mediática.

Rolda de prensa: http://www.galizacig.com/avantar/novas/18-11-2011/a-xunta-de-galiza-deixa-sen-atencion-sanitaria-as-persoas-con-menos-recursos-e-osas

SOS Sanidade Pública vai rexistrar unha Iniciativa Lexislativa Popular en defensa da sanidade pública. Un texto garantista de dereitos e a favor de sanidade pública. Un golpe directo ás políticas de privatización da Consellaría de Sanidade.

O texto, aínda en tramitación, é o seguinte:

Iniciativa Lexislativa Popular proposta por SOS Sanidade Pública.pdf