Esta fin de semana, celebrouse en Ourense o V congreso de Cig-saúde baixo o lema de " Avanzando na defensa da sanidade pública e dos nosos dereitos".

A fin de semana, como non podía ser menos, foi intensa en emocións e por suposto en traballo. O máis salientable, é que sae unha nova executiva composta por 9 membros (ampliándose en 4 membros máis), encabezados pola secretaria nacional María Xosé Abuín, que obtiveron unha inmensa maioria nas eleccións, tanto para a Secretaría como para a Executiva.

Neste congreso, trazamos a política a seguir para os vindeiros tempos contra a política privatizadora que o PP tenta de impoñer a toda costa en Galiza, e asemade, unha mobilización cidadá e integración nas diversas plataformas existentes de defensa da sanidade pública.

Se queredes saber todo máis polo miúdo, clicar nas seguintes ligazóns (extraídas do xornal dixital "avantar")

Xornada do Sábado

Xornada do Domingo

Galería de Imaxes

 

 

Publicada no DOG de hoxe a resolución que publica as listaxes definitivas da bolsa de contratacións das seguintes categorías:

• Persoal médico de familia
• Persoal médico de urxencias hospitalarias
• Pediatra
• Odontólogo e odontóloga
• Persoal de enfermaría (DUE)
• Matrón e matrona
• Técnico/a en coidados auxiliares de enfermaría
• Cociñeiro e cociñeira

 IMPORTANTE

• As persoas aspirantes na categoría de persoal de enfermaría (DUE) que figuren admitidas na condición de titular, na lista dunha área especial de enfermaría xunto a outra ou outras listas especiais (curta duración de urxencias de atención primaria e/ou curta duración de atención especializada), deberán optar por unha delas, mediante escrito formalizado perante a dirección provincial correspondente dentro do prazo de dez días contado a partir do día seguinte ao da publicación no Diario Oficial de Galicia desta resolución. De non formalizar a opción dentro do prazo, será mantido na lista da área especial de enfermaría, e dado de baixa na outra ou outras listas especiais, de ser o caso. Disporán do mesmo prazo aquelas persoas aspirantes que figuren admitidas como titular na lista especial de curta duración de urxencias de atención primaria e na lista especial de curta duración de atención especializada, de modo que, de non formalizar a opción por unha delas dentro do prazo indicado, serán mantidos como titulares na lista especial de curta duración de atención especializada, e serán dados de baixa na lista especial de curta duración de urxencias de atención primaria.
• As persoas aspirantes na categoría de técnico/a en coidados auxiliares de enfermaría que figuren admitidas na condición de titular, na lista da área especial de saúde mental xunto á lista especial de curta duración de atención especializada, deberán optar por unha delas, mediante escrito formalizado perante a dirección provincial correspondente dentro do prazo de dez días contado a partir do día seguinte ao da publicación no Diario Oficial de Galicia desta resolución. De non formalizar a opción dentro do prazo, será mantido na lista da área especial de saúde mental, e dado de baixa na listaxe especial de curta duración de atención especializada.
  

 

Deixamos unha ligazón á páxina do SERGAS

LISTAXES CONTRATACIÓN 

Deixamos a ligazón ó DOG do día 9 de Marzo no que sae publicado o PLAN DE ESTUDOS DO GRAO ENFERMERIA

DOG grao enfermería

 

 

 

E con toda a razón.

Os PSX da comarca de Compotela, reuníronse o pasado día 3 de marzo, para analizar a orde de volver dar CITAS TELEFONICAS igual que facían hai anos.

Pero isto parece o conto da margarida, me quieres, no me quieres, ou o da película, dar cera, quitar cera ... agora é dou citas, non dou citas ....

Estaba demostrado que se millorara a calidade asistencial ó doente ( que era un punto recollido no Plan de Mellora de AP ) ó liberar os PSX de dar citas por teléfono. Estos non quedaron de mans cruzadas xa que no canto de non dar citas por teléfono encomendáronlle outras labouras, algunhas das cales redundaron nunha maior eficiencia na xestión do centro de saúde e outras na atención ao doente.

Con data 5 de Marzo, remítenlle unha nota de prensa ós medios de comunicación, así como un escrito á xerencia de AP.

Ditos escritos deixamos enteriros para que os leades e quitedes vós as conclusións pertinentes. Deixamos asemade unha ligazón ó xornal " la voz de galicia" que hoxe venres 5 faise eco do malestar dos PSX.

escrito__xerencia

NOTA_DE_PRENSA_ctral_de_chamadas

noticia na voz de galicia

E que ningúen confunda a postura de CIG, ¿pero vós non estávades en contra da central de chamadas?.

Nós o que estabamos en contra era do chiringuito particular que se montou para a ocasión. Defendimos sempre unha central de chamadas co persoal do Sergas e non algo privado, que diso xa temos dabondo.

Podédelo ver na seguinte ligazón Central de Chamadas

 

 

A ver, nós, non temos nada que ver con este artigo publicado o día 19 de Febreiro do 2010.

carta publicada no xornal el correo gallego

Nin coñecemos ó seu autor, nin sequera compartimos a idea de " con un claro objetivo: el interés mostrado desde el primer día por la Consellería para vaciar de contenido al Hospital Universitario de Santiago en beneficio del hospital coruñés."

Non cremos que se intente encher o CHUAC a costa do CHUS, máis ben, pensamos que todo o que acontece é por pura INEPTITUDE, INEFICACIA, e quizais DESINTERESE da actual Xerencia.

Como xa dixemos en anteriores artigos, o que se fixo traendo a esta xente de fora, foi en primeiro lugar, darlle un couce os milleiros de profesionais galegos que aquí temos e que teñen sobradamente demostrada a súa valía. Cando se cobran 126.000 euros, en tempos seica de austeridade, hai que DEMOSTRAR A VALÍA PARA O POSTO DE TRABALLO, e xa non somos nós o que o decimos, a xente da rúa, como é o propio artigo, xa se está a decatar das cousas.

126.000 euros gastados.... ¿ para qué?,    imos a pique

Pois nada, outra notiña de prensa para nosa querida xerenta, para o seu dossier persoal ....

2º Dereita Provincial

No DOG de hoxe, venres 12 de Febreiro, sae publicada a creación do grupo de TECNICOS EN FARMACIA.

DOG Tecnicos en Farmacia

 

 

No DOG do día de hoxe, venres 12 de febreiro, sae publicada a resolución dos tribunais de distintas categorias do SERGAS relativas a fase de baremación.

• facultativo/a especialista de área de análises clínicas
• facultativo/a especialista de área de aparello dixestivo
• facultativo/a especialista de área de farmacia hospitalaria
• facultativo/a especialista de área de medicina física e rehabilitación
• facultativo/a especialista de área de microbioloxía e parasitoloxía
• odontólogo/a de atención primaria
• Hai un prazo de dez días para presentar as reclamacións pertinentes e teñen que ir dirixidas expresamente a dirección de RRHH do sergas.

páxina do sergas

páxina do DOG

Benqueridos, menos mal que xa non somos nós, os traballadores, os que xa empezan a decatarse dos persoeiros que temos por dirixentes. A ligazón de abaixo é un artigo publicado no xornal " EL CORREO GALLEGO" hoxe Mércores, 10 de Febreiro.

As cousas, se cadra nesta ocasión, podense decir máis altas pero dubidamos que máis claras xa vai ser moi dificil. O artigo non dá lugar a mal interpretacións e dubidamos que estea feito dunha forma manifestamente animosa contra a dirección do complexo hospitalario. Pensamos que simplemente se lle está a quitar as caretas a esta xente e que os actos ( ou neste caso ben se lle podería chamara listas de espera ) falan por si mesmos.

¿cara onde imos con esta xente? ¿ que teñen eles que dicir con estes números ?

Si nós, xa o empezamos a denunciar hai tempo, benvido sexa que haxa xa alguén que se empeze a decatar das cousas e empece a abrir os ollos a xente que non se entera ou non se quere enterar. Benvido sexa logo:

Premede aquí, por favor: artigo el correo gallego

Non foi algún outro persoeiro destes o que dixo " NINGUÉN FIXO TANTO DANO EN TAN POUCO TEMPO", se cadra e que aínda non pasou por aquí.

Con data de hoxe, Mércores 10 de Febreiro, e por resolución do 21 de Xaneiro de 2010, da dirección de RRHH, pola que se convoca concursos de tralsados para a provisión de prazas de licenciados sanitarios.

Premede aquí: CONCURSO TRASLADO PERSOAL LICENCIADO