Celebrouse o xoves 20 de maio ás 19h unha concentración na rúa Principe de Vigo contra os recortes sociais e salariais. Na concentración berráronse frases como “somos funcionarios e non empresarios” “somos mil euristas e non capitalistas” “ que a crise social a pague o capital”, entre outras moitas. Ao final do acto leuse un comunicado criticando as medidas regresivas impostas polo goberno do estado.

A información comunicada na Mesa Xeral de Función Pública limitouse a:

1.- O Goberno vai elaborar un Decreto Lei que ten que ser ratificado polo Parlamento Español.

2.- O devandito Decreto conterá, cando mínimo, as seguintes materias:

a)- Persoal funcionario e Estatutario.

O Decreto do goberno español conterá, con carácter xeral,  unha redución que será de aplicación ás retribucións básicas de todas/os as/os empregadas/os públicos: soldo base e antigüidade.

A redución a aplicar nas retribucións complementarias será competencia das CCAA para que o apliquen conxuntamente a todas/os as/os empregadas/os públicos, ou sectorialmente que cada Consellaría determine as reducións a aplicar.

Segundo o artigo 43 do Estatuto Marco do Persoal Estatutario, son retribucións complementarias as seguintes: complemento de destino, complemento específico, complemento de produtividade, complemento de atención continuada e complemento de carreira.

Xa nos podemos preparar coa Sra Farjas , se é sectorial, ou co Sr Alberto se é conxunta na área pública.

Recorte salarial aprobado polo Consello de Ministros:

O recorte salarial para os empregados públicos oscilará entre o 0,56% e o 7% dependendo do grupo e nivel, e aplicarase tanto ao salario basee como á antigüidade a partir da nómina de xuño próximo.

O recorte mínimo, do 0,56%, será para os traballadores do grupo E, do 2,75% para o C2, do 4,5% para o C1, do 5,75% para o A2 e do 7% para o A1.

Os efectos económicos da redución serán desde o dia 1 de xuño de 2010, mais a paga extra do mes de xullo non ten redución.

A partir do 31 de maio o centro de saúde de Tomiño pechará polas tardes ata o 3 de setembro para acometer a instalación dos equipos de aire acondicionado e así paliar o problema de climatización do centro. Lembrar que esta situación de estres térmico foi denunciada por CIG-SAUDE o ano pasado, criticando que un centro novo non contase con medios de climatización acordes  cos principios de lóxica básica.

O verán pasado (2009) logo das mobilización e presións por parte sindical e dos usuarios e usuarias, realizáronse pequenas reformas que es demostraron insuficientes e ineficaces.

Dende CIG-SAUDE criticamos a incompetencia do SERGAS  realizando as obras de climatización en plena campaña veraniega e non se acometeran as reformas en meses anteriores para ter solucionado o tema a estas alturas.

Prazas remitidas polo Sergas de Traslados para a xuntanza do vindeiro martes 18 de maio.

Se alguén decátase de que pode faltar algunha que nolo comunique. Lembrade que o martes temos a reunión co SERGAS.

NOVA: Na xuntanza co SERGAS do día 18, non houbo ningún tipo de avance, o SERGAS limitouse a dicir que as prazas que enviou eran as que ían sacar. Ante a insistencia de CIG-SAUDE de que sacaran o 100% das prazas a administración quedou en que ían revisalo e nesta semana (19-21 maio) nos darían unha resposta.

Veremos en que consiste esa resposta.

Prazas:

XOVES 20 DE MAIO ÁS 19H CONCENTRACIÓN DIANTE DO MARCO (rúa Principe)

CIG-SAÚDE INFORMA A TODAS AS TRABALLADORAS E TRABALLADORES

"NON AOS RECORTES SALARIAIS E SOCIAIS, SI AOS SERVIZOS PÚBLICOS"

Ante o anuncio feito polo presidente do goberno español,  Sr. Zapatero, de rebaixar nun 5% os salarios das empregadas/os públicos, na CIG confirmamos ,unha vez máis, que esta era unha das medidas que se ían aplicar no sector público para seguir coa campaña iniciada de precarización e desprestixio dos servizos públicos, é a xustificación perfecta para tomar medidas cada día máis regresivas no eido laboral.

Ante a gravidade destes feitos,  desde a  CIG, convocamos a todas as organizacións sindicais para que en pé de igualdade elaborásemos un calendario de mobilizacións co obxectivo de parar as medidas impulsadas polo goberno español. As organizacións sindicais CCOO, UGT e CSIF non responderon  á convocatoria de reunión que a CIG lles fixera chegar, pero a pesares disto a CIG sí acudiu á convocatoria que estas organizacións sindicais nos fixeron chegar.

O día 18 de maio, ás 16,30 hs, iniciase a reunión das organizacións sindicais, desde a CIG, e sendo respectuosas/os co calendario de mobilizacións que eles tiñan convocadas en todo o Estado Español, propoñémoslles ampliar este calendario, dando participación nas mobilizacións as/os traballadoras/es , e que o calendario de mobilizacións non se convertera, unha vez máis, en medidas cara a galería para lavar a súa imaxe.

Despois de transcorridas 3 horas de reunión acadamos un acordo de calendario, onde a CIG en aras á unidade sindical deixamos para unha posterior reunión o resto de mobilizacións, que cremos debemos levar a cabo para parar a medidas do goberno.

O  calendario pactado contiña as seguintes medidas:

- Concentracións o día 20 de maio nas sete cidades galegas chamando á participación das/os traballadoras.

- Anuncio da convocatoria de folga o día 8 de xuño.

-Comunicado conxunto das organizacións sindicais convocantes anunciando as mobilizacións acordadas.

-Manter unha próxima reunión o día 24 de maio, ás 16 hs, xa que o día 20 de maio está convocada a Mesa Xeral da Función Pública en Madrid. Este día coñeceremos o alcance das medidas.

Como CIG insistimos perante as organizacións sindicais que se o día 20 o goberno mantén as medidas anunciadas deberíamos recrudecer as mobilizacións, facendo un calendario conxunto.

Ás 9  da noite, e transcorridas máis de 4,30 hs de reunión, as organizacións sindicais CCOO, CSIF e UGT, comunícannos que non queren manter a unidade sindical coa CIG, que se desdín do calendario pactado entre todas as organizacións e que eles van  seguir co seu calendario.

A valoración que facemos disto e:

A CIG é una organización sindical incomoda para CCOO, UGT e CSIF. xa que o único que pretenden é dar una imaxe cara as/os traballadoras/es de que van a convocar mobilizacións para parar as medidas do goberno, mentres os seu dirixentes pactan en Madrid co goberno as devanditas medidas.

Neste momento as/os traballadoras/es públicos somos a moeda de cambio de CCOO, UGT e CSIF para conseguir do goberno medidas que non sabemos a quén van beneficiar.

A CIG seguirá adiante co seu calendario de mobilizacións, informando puntualmente a toas/os das medidas que pretende adoptar o goberno, así mesmo informaremos do que acontece na Mesa Xeral da Función Pública en Madrid. Para que todo o persoal coa información suficiente poida tomar as súas decisións.

Non te deixes enganar por quen, unha vez máis, antepón o seu interese aos intereses das traballadoras e traballadores.

Que estraños intereses teñen para que a  presenza da CIG lles moleste tanto?

Infórmate e Participa.