Transmenu powered by JoomlArt.com - Mambo Joomla Professional Templates Club

Prestación anual filla/o menor a cargo. 2010

Persoas beneficiarias:

»Quedan excluídas:

■ Requisitos:

■ Contía da axuda:

Pagamento único de 360 € por cada  menor que a persoa solicitante teña ao seu cargo.

■ Documentación:

1.-Novas solicitudes:

Anexo I.

Fotocopia do libro de familia ou certificación literal de nacemento do rexistro civil de cada crianza.

Certificado de empadroamento conxunto de toda a unidade familiar.

Copia da sentenza de nulidade, separación ou divorcio e do convenio regulador, de ser o caso.

Nos supostos de adopción ou tutela, copia do auto xudicial de adopción ou da resolución xudicial.

Fotocopia da folla da cartilla de aforros na que conste o número de conta onde ingresar a axuda e conste como titular a persoa solicitante. No caso de non dispor de cartilla poderase presentar unha certificación bancaria.

Declaración conxunta de todas as axudas solicitadas ou concedidas por este mesmo fin (anexo II).

A presentación da solicitude comportará:

-Autorización para consulta de dados de documentación nacional de identidade de solicitante e cónxuxe.

-Autorización para consulta dados de carácter tributario. Neste caso será precisa a autorización de cónxuxe por medio de sinatura de anexo II.

2.-Solicitudes para persoas anteriormente beneficiarias:

Para persoas que recibiron esta axuda no ano 2009, e non teñan solicitada nin concedida outras axudas por este mesmo fin, so terán que presentar o anexo I, sempre e cando non se modificaran as circunstancias persoais, xurídicas e económicas determinantes do dereito á prestación. Neste caso poderá obterse a solicitude debidamente cuberta no enderezo: www.xunta.es/aplicacions/ptc.

Aquelas solicitudes que se presenten eliminando algún dos proxenitores que figura no anterior deberán estar acompañadas da xustificación documental correspondente: copia da sentenza de separación ou nulidade, certificado de empadroamento conxunto da unidade familiar, certificado de defunción.

■ Lugar de presentación:

-Vía escrita:

Nos rexistros dos departamentos territoriais da consellería de traballo e benestar.

-Vía telemática:

Cando se dispoña de certificado dixital, poderá accederse a este vía a través da aplicación: www.xunta.es/aplicacions/ptc.

-Prazo de presentación:

40 días hábiles contados a partir do 11 de Maio de 2010.

O venres 7 de maio tivo lugar na Dirección Provincial do SERGAS en Vigo a xuntanza entre a Comisión de Centro do CHUVI e responsables do SERGAS para falar sobre o novo hospital de Vigo.

A dita xuntanza acudiron por parte do SERGAS, a Xerente do SERGAS Rocio Mosquera, a Directora de RR.HH Esperanza Fernández e o Xerente do CHUVI Francisco Soriano entre outros.

A xuntanza podémola cualificar como decepciónante, tampouco é que esperásemos moito nin nada novo a estas alturas.

A voz cantante levouna a Xerente do SERGAS, que apenas aportou nada novo aparte das "grandes virtudes" do sistema privatizador do proxecto.

Preguntada por si o hospital ía dispor de tódolos servizos, entre os que se inclúan área de queimados, maxilofacial entre outros, a Xerente non tivo resposta dando a entender que ese apartado lle correspondería a hospitais privados, lembrar que a Xerente do SERGAS foi  Directora dun hospital pertencente a POVISA, manifestando certa alerxia a todo o que sone a público, mais ou menos como o Xerente do CHUVI, Don Soriano, que non cree na sanidade pública e que por certo estivo mudo durante toda a xuntanza.

A xuntanza foi un paripé por parte da administración, votando balóns fora constantemente,  ante preguntas por parte da Comisión de Centro se remitían constantemente a dicir que eses asuntos virán nos pliegos de condicións, que so coñecen eles.

Sobre postos de traballo, reclasificacións, listas contratación das categorías privatizadas, unidade de investigación, etc. nada de nada e que xa se falaría noutros ámbitos.

En definitiva, nada novo e moita retórica, simplemente cumprir o trámite e un adeus.

NOTA DE PRENSA DÁ ASOCIACION GALEGA PARA A DEFENSA DÁ SANIDADE PUBLICA CON MOTIVO DA LICITACION DO NOVO HOSPITAL DE VIGO

Ante o anuncio da licitación do Novo Hospital de Vigo, a AGDSP fai públicas as seguintes consideracións:

1. O presidente da Xunta de Galicia se empecina en seguir a senda da privatización da Sanidade Pública galega hipotecando o seu futuro financiamento ao licitar a construción do novo hospital de Vigo polo método que eufemisticamente denomina ?pago aprazado?. En todo o mundo iso coñécese como PFI ou INICIATIVA DE FINANCIACION PRIVADA.

2. A evidencia en toda a literatura mundial demostra que a construción de hospitais por esta carísima vía, hipoteca o financiamento dos sistemas sanitarios públicos, debilitándoos, descapitalizándoos e póndoos aos pés do mercado sanitario. Iso é iniciar a súa privatización.

3. Igualmente é sabido que hipotecas separadamente, que o hospital pertenza a unha unión temporal de empresas mentres non se complete o seu pago, mentres os seus médicos e enfermeiras dependen do SERGAS, supón unha dobre dependencia da súa actividade e iso dificulta a xestión dunha das mais complexas estruturas que hoxe existen como é un moderno hospital.

4. Co fin de facilitar esta deriva privatizadora o presidente Feijoo non dubidou en pór á fronte do SERGAS a unha xerente que ata hai pouco dirixía un hospital de POVISA, quizais para supervisar a ausencia de ideas da propia conselleira.

5. Que este centro leva décadas entorpecendo o desenvolvemento da Sanidade Pública viguesa, incumprindo as tarefas de atención á poboación á que asiste como as súas listas de espera demostran, é algo que os profesionais da sanidade coñecemos perfectamente. Que consiga facerse co control do novo Hospital de Vigo que Núñez Feijoo reivindica como publico, é un enorme perigo para a sanidade publica nesta comarca e a longo prazo para toda a galega.

6. É evidente que o "pago aprazado" como el di, permitiríalle a este goberno soñar con inaugurar un hospital que pagarían a un altísimo custo 4 ó cinco veces superior, os gobernos que lle sucedan. E os que pagan non son os gobernos senón os cidadáns.

7. Afirma o presidente que o hospital estará listo en 2013. A "obra civil", lese en "letra pequena". Inauguralo son tres anos máis. E senón, ao tempo. As hemerotecas darannos novamente a razón fronte á afeita demagoxia e o esquecemento.

8. O goberno da Xunta desoe a enorme oposición popular que en Vigo mobilizou a mais de 50.000 cidadáns e tamén en Pontevedra con mais de 10 mil cidadáns na rúa- e noutras cidades con ameazas similares, desencadea a privatización que se inicia aos poucos da nosa Sanidade Pública.

9. Sabemos as razóns: ademais de "aprazar o pago" é unha enorme oportunidade para repartir negocio dun goberno que a pesar de ter que exercer a responsabilidade de manter e mellorar o Sistema Sanitario Público, non cre nel.

10. O presidente Feijoo durante a súa etapa á fronte do SERGAS primeiro e do INSALUD despois, xa demostrou sobradamente promovendo MEDTEC en Vigo e as Fundacións Hospitalarias onde tivo a oportunidade de facelo, que é un firme partidario do mercado sanitario fronte á Sanidade Pública; do medicamento mercancía fronte ao dereito á atención sanitaria.

Finalmente conclúe o presidente as súas declaracións tras o consello da Xunta afirmando que "alá os opositores coa súa ética". Que escándalo!.

A ética do servizo público, a do dereito que foi tan duro conquistar á atención sanitaria pública, esta claramente ao lado de quen a defendemos, dos profesionais e da cidadanía que tanto a utiliza e valóraa.

Manifestación

En Defensa da Sanidade Pública

Xoves 13 de maio ás 20h

Dende a Praza da Estación

MONFORTE

Sairán autobuses dende o H. Xeral ás 18h

(Anotarse nos locais da CIG e de CCOO antes do xoves 13 de maio Convoca: Plataforma en Defensa da Sanidade Pública de Monforte

Segundo información que nos facilitou a Dirección do CHUVI, a partir do martes 18 de maio vanse producir reorganizacións dalgúns servizos dentro do CHUVI.

- Unidade de patoloxía de mama

- Cardioloxía

- Xinecoloxía

Descrición dos procesos a seguir para as integracións físicas e/ou funcionais dos diferentes servizos e unidades.

1. Centro de Especialidades Doblada:

Trasládanse dúas ecografía de abdome actualmente situados no hospital Meixoeiro, ao centro de especialidades da Dobrada.

Reorganízase a actividade pasando un TER en adecuación de tarde a mañá e mobilízase un TER voluntario de H.Xeral que estaba en quenda. mañá.

Dous Radiólogos desprázanse ao Centro de especialidades de entre os compoñentes da área de abdome. A rotación do persoal facultativo é de carácter mensual

2. Unidade de Mama no Meixoeiro:

Dotada con 2 ecógrafos en quenda de mañá, 2 mamógrafos en quenda de mañá e 1 en quenda de tarde e o equipo de biopsia prona. Continúan os 3 TER de Meixoeiro en quenda de mañá que xa se dedicaban á ecografía e Mamografía e 1 TER que debe pasar do H Xeral en quenda de mañá (pendente de voluntariedade) e 1 SD de quenda de tarde que xa está en H. Meixoeiro.

Cando os dous mamógrafos teñan actividade de tarde, pasará 1 TER de SD de H. Xeral a realizar esa función e quenda.

Forman parte da unidade, ademais, unha consulta de enfermería e dúas consultas médicas.

- 1 DUE que xa realiza esta función desde fai anos, a tempo parcial, xera necesidade de cobertura en Hospital de día Oncolóxico- resólvese cunha adecuación voluntaria en quenda de 10 h a 17 h.

- 1 AUX de CC.EE (sobe algún día de Xeral unha AUX. voluntaria e os demais días realízao a AUX. que viña facéndoo ata agora no H. Meixoeiro).

No que a persoal facultativo refírese, formarán parte da unidade:

- Tres facultativos do servizo de Radiodiagnóstico, con dedicación plena. Atendendo necesidades asistenciais poderíase incorporar un cuarto radiólogo.

-  Dous facultativos do servizo de Cirurxía xeral do Hospital Xeral.

- Dúas FEAS do servizo de Xinecoloxía, con dedicación a tempo total.

Os recursos poderán modificarse segundo as necesidades asistenciais.

Ademais destes dous facultativos do servizo de Xinecoloxía, participarán na actividade da unidade, en función de criterios asistenciais 3 facultativos mais.

3. Anatomía Patolóxica

Os recursos de Anatomía Patolóxica destinados á mama no Complexo, recolócanse no Hospital do Meixoeiro, e para iso, desprázase un facultativo do Hospital Xeral, así como os equipos necesarios para dar resposta ás necesidades asistenciais da unidade.

Ademais forma parte da unidade un facultativo do hospital do Meixoeiro, que xa se dedica á patoloxía de mama.

Os recursos poderán modificarse en función de criterios asistenciais.

4. Hospitalización de cirurxía da Mama:

Sitúase no H. Meixoeiro na planta 3ª ala 2 sen dar lugar a cambios de persoal de enfermería. Deixa dispoñibilidade de camas en H. Xeral plantas 8ª e 2ª e no H. Meixoeiro na planta 2ª ala 1.

5. Xinecoloxía:

Sitúase a unidade de hospitalización única no H. Xeral na planta 2ª, actual unidade de Xinecoloxía sen xerar movementos de persoal de enfermería. Ocupa a unidade na parte liberada polo traslado da patoloxía de Mama.

A actividade cirúrxica de xinecoloxía realizarase no bloque cirúrxico do Xeral e nos quirófanos do Cies.

Nesta primeira fase, mantense a actual sectorización da poboación, en relación coa actividade de consultas externas, manténdose a mesma estrutura das axendas de Xinecoloxía existentes no complexo (salvo na parte referente á unidade de mama).

O persoal Facultativo prestará asistencia nos distintos centros do CHUVI en base ás necesidades asistenciais e organización do servizo.

A atención a urxencias xinecolóxicas, centralizarase para toda a poboación no Hospital Xeral.

6. Cardioloxía:

A hospitalización situarase no H. Meixoeiro na planta 2ª ala 2 e ala 1, sen dar lugar a cambios de persoal de enfermería.

Redistribúense as camas asignadas a cardioloxía no ala 1 deixando no ala 2 as destinadas a Cirurxía Cardíaca, como agora, e aumentando as de telemetría ata 16, constituíndo ademais a Unidade de Coidados Intermedios Cardiolóxicos.

No H. Xeral deixa dispoñibilidade de camas de hospitalización na planta 13.

Toda a actividade de cardioloxía concentrarase no Hospital do Meixoeiro, permanecendo no Xeral a dotación necesaria para cubrir a interconsulta e probas dos pacientes hospitalizados do resto de especialidades e Urxencias.

Os movemento descritos nos puntos 1 e 2 son os primeiros e nesa orde, os seguintes van a continuación e simultáneos.

Data prevista para os movementos: 18 de maio 2010