sos-sanidade
gripe
eu-galego
Atención Primaria
Vacación en Atención Primaria de Vigo Imprimir
Atención Primaria - Xeral
Mércores, 24 Abril 2013 09:10

 

Logo da xuntanza cos responsables de dirección en Atención Primaria acordouse o seguinte:

 

Data límite para solicitar: 30/04/2013


Período ordinario: xullo, agosto e setembro.


Cómputo de días de vacacións:

Será a petición do traballador/a, elixindo días hábiles ou días naturais. Por suposto o traballador/a debe saber que implica collelos dun ou doutro xeito:


Aclaración: Antes de comezar con esta explicación cómpre primeiro aclarar que en período ordinario, independentemente de como se computen, só se poderán coller quincenas naturais ou meses naturais, e fóra deste período, permítese ademais coller as vacacións por meses, quincenas e semanas de data a data.

 

Días naturais

 

Serán como mínimo 30 días, e estes poderanse repartir do seguinte xeito:


No período estival:

a)  1 mes natural (pode ser de 30 ou 31 días)

b)  1 ou 2 quincenas naturais (do 1 ao 15 ou do 16 ata fin de mes)

c)  Excepción: Petición de 3 semanas continuadas,

  • se non se precisa substitución,
  • con acordo previo dentro do servizo/unidade,
  • sen superar a porcentaxe de ausencias (33%),
  • que comecen o día 1 ou o 16 de mes.

 

Fóra do período estival:

a) 1 mes natural (pode ser de 30 ou 31 días)

b) 1 ou 2 quincenas naturais (do 1 ao 15 ou do 16 ata fin de mes)

c)  1 semana natural

d)  Calquera dos períodos anteriores de data a data

e) 6 días de vacacións independentes (hábiles) que equivalen a 8 días naturais. Se a suma de todos os bloques posibles dese como resultado menos de  30 días naturais (caso de coller 3 semanas continuadas) o día que falta se collerá como día de vacación independente.

 

Días Hábiles


Serán como mínimo 22 días hábiles e estes poderán repartirse do seguinte xeito:

 

No período estival:

a)  1 mes (especificando os días hábiles que corresponden)

b)  1 ou 2 quincenas (especificando os días hábiles que corresponden)

c)  Excepción: Petición de 3 semanas continuadas,

  • se non se precisa substitución,
  • con acordo previo dentro do servizo/unidade,
  • sen superar a porcentaxe de ausencias (33%),
  • que comecen o día 1 ou o 16 de mes.

(especificando os días hábiles que corresponden)


Fóra do período estival:

a) 1 mes natural (especificando os días hábiles que corresponden).

b) 1 ou 2 quincenas naturais (especificando os días hábiles que corresponden).

c) 1 semana natural (especificando os días hábiles que corresponden)

d) Calquera dos períodos anteriores de data a data (especificando os días hábiles que corresponden)

e)  6 días de vacacións independentes (días hábiles)


Se da suma dos distintos períodos que se poden solicitar, se derivase unha débeda de días (por mor dun festivo en ditos períodos), estes se poderán coller preferente unidos á semana que se colla en período non estival. No caso de que esta semana se tivese desfrutado con anterioridade, colleríanse como días de vacacións independentes.


*Para o persoal de PACs, os días de vacacións independentes se  computarán por horas, do mesmo xeito que se viña facendo co desfrute dos LDs.
 
Mobilidade Interna Atención Primaria de Vigo Imprimir
Atención Primaria - Xeral
Martes, 05 Marzo 2013 14:00

Mobilidade-interna-Primaria

 

 

Resolución: CIG-SAUDE

 
 
Traballadoras/es dos PACs protestan diante do Sergas polo incumprimento dos acordos laborais Imprimir
Atención Primaria - Xeral
Mércores, 08 Febreiro 2012 11:46
A mobilización, convocada pola CIG, desenvolveuse en Santiago de Compostela por espazo dunha hora.

Arredor de 150 traballadores e traballadoras dos Centros de Atención Continuada (PAC) participaron o martes 7 de febreiro na concentración convocada pola CIG-Saúde en Santiago de Compostela para denunciar os incumprimentos dos acordos de Atención Primaria por parte do Servizo Galego de Saúde (Sergas).

A protesta, na que participaron empregados/as dos PAC´s de todas as áreas sanitarias do país, desenvolveuse fronte á sede central do Sergas na capital galega entre as 11.00 e as 12.00 horas para reclamar o cumprimento dos acordos asinados polo departamento autonómico coas organizacións sindicais. CIG-Saúde considera prioritaria a defensa do emprego público, que se respecten os dereitos do persoal e que se fagan as contratacións a través das listas.

 

A CIG-Saúde demanda a inmediata convocatoria da Comisión de Seguimento dos Acordos de Primaria. María Xosé Abuín, secretaria nacional da federación, reclama da administración “unha actitude negociadora para desbloquear esta situación e que non aconteza como na xuntanza anterior, á que chegaron coa negativa absoluta a abordar ningún dos problemas expostos”.

 

Abuín fai este chamamento ao SERGAS, logo de ter fracaso a anterior xuntanza coa administración, convocada a instancias da CIG-Saúde e avalada coa sinatura de máis de 400 profesionais.

 

Con estas concentracións CIG-Saúde segue a reclamar:

1.- Cómputo de xornada. Reclamamos unha interpretación correcta dos termos do acordo e a súa translación ao aplicativo informático, para rematar coa situación actual na que se penaliza aos traballadores cando teñan unha IT ou collen un permiso retribuído.

 

2.- Confección de calendarios. Reclamamos calendarios anuais elaborados coa participación das e dos traballadores e construídos con criterios de equidade. Neses calendarios, a xornada ordinaria e a complementaria deben estar claramente diferenciadas, e deben recoller necesariamente a xornada ordinaria do persoal de PAC e tódolos seus permisos.

 

3.- Cumprimento da Acta do 16 de xuño. Na súa aplicación en cada área reclamamos que, de quedar horas suficientes (1623 horas/anuais), se proceda á creación dun vinculo estable (obra e servizo) contratando persoal das listas de contratacións antes de ofertalas á voluntariedade.

 

4.- Contratación de persoal das listas. Reclamamos que se cumpran os apartados do acordo que establecen que diante dunha ausencia, o primeiro é contratar persoal das listas de contratacións. Lembran que na área de Vigo, por exemplo, hai máis de 70 médicos nas listas.

 

Finalmente, advirten que esta situación está a provocar a precarización das condicións de traballo do persoal dos PAC's, “o que repercute moi negativamente no servizo prestado aos cidadáns”.

 

Noticia de Avantar
 
Autobús para a concentración do martes 7 de febreiro do persoal dos PACs Imprimir
Atención Primaria - Xeral
Mércores, 01 Febreiro 2012 10:54

O martes 7 de febreiro haberá autobús dende Vigo e Pontevedra para participar na concentración ás 11h diante do SERGAS en Compostela para protestar pola situación do persoal dos PACs.

bus2
•    Cómputo de xornada
•    Confección de calendarios
•    Cumprimento da Acta do 16 de xuño
•    Contratación de persoal das listas
•    precarización das condicións de traballo do persoal dos PAC's

 

Anotarse para o autobús ata o luns 6 de febreiro nos teléfonos:


986827942-43
986811704
986824644


O hora de regreso está garantido  para o persoal que entre a traballar ás 15h.
 
Peche nos PACs Imprimir
Atención Primaria - Xeral
Martes, 31 Xaneiro 2012 17:41

 

Traballadores/as dos Puntos de Atención Continuada péchanse en protesta polo incumprimento dos acordos co Sergas.

　

As mobilizacións foron convocadas pola CIG para reclamar cambios na xornada, calendarios anuais e contratación de persoal das listas.

Imaxes do peche no PAC de Vigo.

Peche-PAC-Vigo

 

Centos de traballadores e traballadoras dos Centros de Atención Continuada (PAC) participaron hoxe nas mobilizacións convocadas pola CIG para denunciar os incumprimentos dos acordos de Atención Primaria por parte do Sergas. No caso de Vigo, cerca de 50 persoas concentráronse no centro da rúa Bolivia por espazo dunha hora e a continuación iniciaron un peche no interior das instalacións que teñen previsto manter até mañá.

 

No decurso da mañá deste martes 31 de xaneiro celebráronse concentracións ante as xerencias Integradas de Atención Primaria e xerencias de área de Pontevedra, Vigo, A Coruña e Compostela, entre outras, para reclamar o cumprimento dos acordos asinados polo Sergas coas organizacións sindicais. CIG-Saúde considera prioritaria a defensa do emprego público, que se respecten os dereitos do persoal e que se fagan as contratacións a través das listas.

 

A CIG-Saúde demanda a inmediata convocatoria da Comisión de Seguimento dos Acordos de Primaria. María Xosé Abuín, secretaria nacional da federación, reclama da administración "unha actitude negociadora para desbloquear esta situación e que non aconteza como na xuntanza anterior, á que chegaron coa negativa absoluta a abordar ningún dos problemas expostos".

 

Abuín fai este chamamento ao SERGAS, logo de ter fracaso a anterior xuntanza coa administración, convocada a instancias da CIG-Saúde e avalada coa sinatura de máis de 400 profesionais.

 

Con estas concentracións CIG-Saúde segue a reclamar:

 

1.- Cómputo de xornada. Reclamamos unha interpretación correcta dos termos do acordo e a súa translación ao aplicativo informático, para rematar coa situación actual na que se penaliza aos traballadores cando teñan unha IT ou collen un permiso retribuído.

 

2.- Confección de calendarios. Reclamamos calendarios anuais elaborados coa participación das e dos traballadores e construídos con criterios de equidade. Neses calendarios, a xornada ordinaria e a complementaria deben estar claramente diferenciadas, e deben recoller necesariamente a xornada ordinaria do persoal de PAC e tódolos seus permisos.

 

3.- Cumprimento da Acta do 16 de xuño. Na súa aplicación en cada área reclamamos que, de quedar horas suficientes (1623 horas/anuais), se proceda á creación dun vinculo estable (obra e servizo) contratando persoal das listas de contratacións antes de ofertalas á voluntariedade.

 

4.- Contratación de persoal das listas. Reclamamos que se cumpran os apartados do acordo que establecen que diante dunha ausencia, o primeiro é contratar persoal das listas de contratacións. Lembran que na área de Vigo, por exemplo, hai máis de 70 médicos nas listas.

 

Finalmente, advirten que esta situación está a provocar a precarización das condicións de traballo do persoal dos PAC's, "o que repercute moi negativamente no servizo prestado aos cidadáns".

 

Noticia de Avantar
 
Máis artigos...
<< Inicio < Anterior 1 2 3 4 5 Seguinte > Final >>